СИЁСАТ
Якшанбе 25 Феврал 2018 09:10
3762
Кумитаи иҷроияи Сохтори зиддитеррористии минтақавии СҲШ (СЗТМ СҲШ) органи доимоамалкунанда мебошад. Ситоди ташкилот дар пойтахти Ҷумҳурии Ӯзбекистон – шаҳри Тошканд қарор дорад. Санадҳои роҳбарикунандаи онро муқаррароти Хартияи СҲШ, Конвенсияи Шанхай оид ба мубориза бар зидди терроризм, сепаратизм ва экстремизм, Созишнома байни кишварҳои узв дар бораи сохтори зиддитеррористии минтақавӣ, инчунин, санаду қарорҳои дигари, дар доираи СҲШ қабулгардида ташкил медиҳанд.

Дар масъалаҳои мубориза бар зидди терроризм, сепаратизм ва экстремизм дар доираи СҲШ, рӯзноманигори ҳафтаномаи “Народная газета” бо директори Комиҷроияи он Евгений Сысоев мулоқот гузаронид.

- Тибқи санадҳои оинномавӣ, Сохтори зиддитеррористии минтақавӣ (СЗТМ) органи махсус гардонидашудаи доимоамалкунандаи СҲШ дар соҳаи мубориза бо терроризм , сепаратизм ва экстремизм ба ҳисоб меравад. Он барои ҳамоҳанг кардани ҳамкориҳои мақомоти салоҳиятдори кишварҳои узви СҲШ, мусоидат менамояд. Ин сохтор кадом механизмҳои амалии ҳамкориҳои зиддитеррористиро истифода мекунад? Кадом муваффақиятҳо дар ин самт ба даст оварда шудааст?

-Ташаккул ва рушди СЗТМ, аз як тараф, бо зарурияти ташкили заминаи институтсионалӣ ва ҳуқуқии кишварҳо дар масъалаи мубориза бо терроризм, сепаратизм ва экстремизм, аз тарафи дигар - бо таъмини вокуниши саривақтӣ ба таҳдиду хатарҳои нави амниятии кишварҳои узви СҲШ вобастагӣ дорад.

Солҳои сипаригашта аз оғози фаъолияти СЗТМ нишон медиҳанд, ки ташкилот аз ӯҳдаи иҷрои вазифаҳои оинномавиаш бо муваффақият баромада истодааст. Оид ба ин дар саммитҳои сарони кишварҳои узви СҲШ, инчунин Қатъномаи СММ № 71/14 аз 21 ноябри соли 2016 борҳо чунин қайд гардидааст: “СҲШ ба ташкилоти муҳими минтақавӣ барои баррасии масоили амниятӣ дар ҳама ҷанбаҳояш табдил ёфтааст”.

Фаъолияти муассирноки ду органи СЗТМ СҲШ – Шӯро ва Кумитаи иҷроия ва заминаҳои ҳуқуқии аз тарафи онҳо ташкил додашуда, имрӯз муассирнок гузаронидани чорабиниҳои якҷояи ташкилӣ, фаврӣ-ҷустуҷӯӣ, профилактикӣ ва ғайраи, мақомоти салоҳиятдори кишварҳои узвро, таъмин менамоянд. Конвенсияи СҲШ дар хусуси муқовимат ба экстремизм, ки моҳи июни соли 2017 дар шаҳри Остона қабул гардидааст, ба муттаҳид кардани кӯшишҳо барои ғайрирадикализатсия гардонидани аҳолӣ, пешгирӣ кардани паҳншавии ғояҳои терроризм, даъват мекунад. Барномаҳои сесола коркард гардида, гуруҳҳои коршиносони доимоамалкунанда аз рӯи масъалаҳои ҳуқуқӣ, техникӣ, табодули иттилооти оперативӣ, қатъи истифодаи Интернет ба мақсадҳои террористӣ, сепаратистӣ ва экстремистӣ, ҳамкориҳои марзӣ, ташкил дода шудаанд.

Коркарди чорабиниҳои якҷоя оид ба муқовимат ба таҳдидҳои аз ҷониби ташкилоти террористии «Давлати Исломӣ» бароянда; рафтуомади ашхос ба манотиқи фаъоли ташкилотҳои байналмилалии террористӣ; пешгирӣ ва қатъи истифодаи шабакаҳои компютерӣ аз тарафи экстремистон; профилактикаи истифодаи террористони интиҳорӣ ва паҳнкунии ғояҳои радикалии динӣ дар қаламрави кишварҳои узви СҲШ ва ғайра, натиҷаҳои фаъолияти ин гурӯҳҳо мебошанд.

Ҳамаи ин, барои таҳкими ҳамкориҳои мутақобилаи органҳои салоҳиятдори кишварҳои узви СҲШ ҳангоми гузаронидани чорабиниҳои зиддитерростӣ, мусоидат менамояд. Чунончи, соли 2016 аз тарафи Хадамоти Федералии бехатарии Россия дар ҳамкорӣ бо ҳамкасбони тоҷику қирғиз, дар шаҳрҳои Москва, Санкт – Петербург, Екатеринбург ва Нижний Новгород дар ҳолати омодагӣ ба содир намудан 40 ҷиноятҳои характери террористидошта, пешгирӣ ва қатъ карда шуданд. Аз тарафи органҳои салоҳиятдори Қазоқистон, Қирғизистон ва Россия фаъолияти гуруҳи ташкилоти террористии байналмилалии Давлати Исломӣ, ки мақсади дар кишварҳои узви СҲШ гузаронидани амалҳои террористиро доштанд, пешгирӣ ва қатъ карда шуд. Аз тарафи шарикони қазоқистонӣ 5 узви дар ҷустуҷӯбудаи ташкилоти байналмилалии террористӣ супорида шуд, дар Қирғизистон ва Россия 14 террористи дигар дастгир гардиданд.

Дар натиҷаи ҳамкории зичи хадамоти махсуси ҶХХ ва Қирғизистон амали террористии 30 августи соли 2016 нисбати кормандони сафоратхонаи ҶХХ дар Бишкек суратгирифта, тафтиш карда шуд. Бо кӯшишҳои якҷояи хадамоти махсуси Тоҷикистон ва Россия дар қаламрави Россия якчанд узви ячейкаҳои террористии «Ансоруллоҳ» муайян, дастгир ва ба Тоҷикистон истирдод карда шуданд. Аз тарафи мақомоти салоҳиятдори Ӯзбекистон ва Россия каналҳои интиқоли рекрутҳо (сарбозони маҷбурӣ) ба ташкилотҳои террористии байналмилалӣ ва легализатсияи ҷангиён - террористон дар кишвари интиқолдиҳанда, муайян ва қатъ карда шуданд.

Хуруҷи 200 нафар ба хориҷа барои пайвастан ба ташкилотҳои террористии байналмилалӣ пешгирӣ гардид, суратҳисоби 2 ҳазор ашхоси ба маблағгузории терроризм дастдошта баста шуд, 10000 нафар аз дастрасӣ ба Интернет – захираҳо маҳрум карда шуданд. Ҷустуҷӯи шахсони ба терроризм гумонбар идома дорад, ҳамаи онҳо ба реестри Ягонаи ҷустуҷӯии СЗТМ СҲШ дохил мебошанд. Ҳамасола машқҳои якҷояи зиддтеррористӣ гузаронида мешаванд.

Барои таъмини бехатарии чорабиниҳои бузурги байналмилалӣ механизми махсуси ҳамоҳангкунанда ташкил ёфтааст, ки бори аввал ҳангоми бозиҳои олимпии дар ҶХХ доиргардида, имтиҳон карда шуд. Ҳамкориҳои сарҳадӣ мустаҳкам таҳким ёфта, амалиётҳои якҷояи сарҳадӣ гузаронида мешаванд. Дар саммити сарони кишварҳои узви СҲШ дар шаҳри Уфа доиргардида, Созишнома оид ба ҳамкории кишварҳои узв аз рӯи масъалаҳои сарҳадӣ ба имзо расид.

- Амалҳои террористии ду соли ахир дар ИМА ба вуқуъ пайваста бараъло нишон медиҳанд, ки оқибатҳои манфии ҷанги Сурия берун аз қаламрави он паҳн мешаванд. То чӣ андоза раванди ташаккули вазъият дар минтақаи Ироқу Сурия ба ҳолати бехатарии минтақаи СҲШ таъсир мерасонад?

- Муддати дароз буд, ки зери назорати “Давлати исломӣ”, “Ҷабҳат-ан-нусра” ва ташкилотҳои дигари террористии байналмилалӣ, қисмати зиёди қаламрави Сурия қарор дошт. Дар ҳайати гурӯҳҳои онҳо дар шароити ҷангӣ зиёда аз 20 000 шаҳрвандон аз Аврупо, Шарқи Наздик, Осиёи Ҷанубу Шарқӣ размида таҷриба гирифтанд.

Имрӯзҳо дар пасманзари шикасти худ дар сурия Созмони байналмиллалии террористии “Давлати исломӣ” кӯшиш намуда истодааст, то фаъолияти террористии худро ба дигар давлатҳо минтақаҳо интиҳол диҳад, барои иҷрои ин табдир аз нерӯи ташкилотҳои маҳалии террористӣ ва террористони алоҳида истода намуданро созгор меҳисобад, мехоҳад ин кӯшишҳояшро дар ҳудуди кишварҳои аъзои СҲШ низ пайи амалишавӣ бошанд.

Зимни баргузории чорабиниҳои оперативӣ-ҷустуҷӯӣ аз ҷониби мақомоти салоҳиятдори кишварҳои узви СҲШ яъчанд манбаъҳои интиқоли нерӯ ба минтақаи низои сурӣ ошкор шуданд.

Бақайдгирӣ ва рӯйхати ҷанговарону террористони хориҷии амал мекунад.

Мубодилаи маълумоти огоҳикунада оид ба фаъолияти сохторҳои террористии “Давлати исломӣ”, “Ҷабҳат-ан-нусра”, “Ҳизби таҳрир”, “Ҳизби наҳзати исломии Тоҷикистон”, “Ҳаракати исломии Туркистони шарқӣ” ва ғайраҳо ба роҳ монда шудааст. Кӯшишҳои дастаҷамъӣ ҷиҳати безараргардонии ячейкаҳои онҳо дар ҳудуди кишварҳои аъзои СҲШ амалӣ мешаванд.

Сохтори минтақавии зиддитеррористии СҲШ тамоми хатару таҳдидро мавриди инобат қарор медиҳад ва омода аст, ба муқовимат нишон диҳад.

- Бо қарори Суди Олии Ҷумҳурии Тоҷикистон “Ҳизби наҳзати исломии Тоҷикистон”, ки сентябри соли 2015 амалиёти террористиро содир карда буд, ҳамакнун ба сифати ташкилоти террористиву экстремистӣ шинохта мешавад. Оё мавриди робитаи ҲНИТ бо СУТ “Давлати исломӣ” ягон далеле арзи вуҷуд мекунад?

- Мувофиқ ба маълумотҳои аз манбаҳои мӯътамади Тоҷикстон ба даст омада, ТТЭ ҲНИТ на танҳо ба созмон додани амалҳои террористи ва бурдани фаъолияти террористӣ машғул будааст, балки бо “Давлати исломӣ”, “бародарони мусалмон”, “Ҷамоати Ансоруллоҳ”, “Ҳизби таҳрир", “Ҳаракати толибон”, “Ҳаракати исломии Туркистон” ва ғ робитаҳои қаринро барқарор дорад.

Давоми фаъолияти худ дар Тоҷикистон аз ҷониби роҳбарияти СТЭ ҲНИТ ҳудуди 500 ҷавон ба марказҳои террористии хориҷӣ фиристода шуда буданд. Бештарини онҳо аъзои фаъоли созмонҳои террористиву экстремистӣ маҳсуб меёбанд. Мақомоти салоҳиятдори Тоҷикистон ошкор кардаанд, ки “Ансоруллоҳ” қаноти ҳарбии СТЭ ҲНИТ аст. Далели ин гуфтаҳо метавонад теъдоди иштирокчиёни ҷангҳои Сурия аз Тоҷикистон бошад, ки аз 1000 нафари маҷмуӣ 521 нафарашонро аъзои СТЭ ҲНИТ ташкил медиҳанд.

Мақомоти қудратии Тоҷикистон якчанд ҳолатҳои дар якҷоягӣ бо аҳли оилаашон роҳии Сурия гардидани аъзои ҲНИТро пешгирӣ кардаанд. Моҳи августи соли 2015 роҳбари ячейкаи СТЭ ҲНИТ К.Маннонов барои таблиғи идеологияи «давлати исломӣ» ва овехтани байрақи он дар ҳудуди шаҳри Норак боздошт гардида буд. Безаррагардонии фаъолияти террористиву экстремистии ҲНИТ ба кам шудани теъдоди иштирокчиёни муҳорибаҳои “Давлати исломӣ” аз ҳисоби шаҳрвандони Тоҷикистон мусоидат намуд.

- Муносиботи Сохтори минтақавии зиддитеррористии СҲШ бо сохторҳои ҳамсони дигар ташкилотҳои байналмиллалӣ чӣ гуна густариш меёбанд?

- Алоқаҳои босамар бо СММ дар доираи Ассамблеяи генералӣ, ки ноябри соли 2016 чорабинии махсус “СММ ва СҲШ: муқовимати якҷоя бар таҳдиду хатарҳо” баргузор шуда буд, ба роҳ монда шудаанд.

Дар конфронсҳои илмӣ-амалии ҳамасолаи Сохтори минтақавии зиддитеррористии одатан ҳаммаслакони байналмиллаии мо ширкат мекунанд. Дар конфронси навбатии илмӣ-амалии Сохтори минтақавии зиддитеррористии СҲШ “мубориза бо терроризм- ҳамкорӣ бидуни марз”, ки 1-2 ноябри соли 2017 дар шаҳри Тошканд баргузор гардид, 8 давлати аъзои СҲШ ва 4 кишвари назоратчӣ назди СҲШ, 7 сохтори тахассусии СММ ва 6 ташкилоти байналмиллалӣ шаиркат варзиданд.

Айни замон ҳамкориҳои Сохтори минтақавии зиддитеррористии СҲШ бо Раёсати СММ оид ба маводи мухаддир ва ҷинояткорӣ, кумитаи зиддитеррористии Шурои бехатарии СММ, Интерпол, Гуруҳи авруосиёии муқовимат ба қонунигардонии фоидаи аз роҳи ҷиноят ба даст омада ва самроягузории терроризм, Шӯрои СААД, Маркази зиддитеррористии кишварҳои аъзои ИДМ, Хадамоти ҳамоҳангсозии Шӯрои фармондеҳони қушунҳои сарҳадии кишварҳои ИДМ, Маркази маълумотиву ҳамоҳангсозии минтақавии Авруосиёии оид ба мубориза бо гардиши ғайриқонунии маводи мухаддир, Шурои Ҷаласа оид ба робитаҳои мутақобила ва андозаҳои боварӣ дар Осиё. Ҳамчунин ба имзо расонидани созишномаи ҳамкорӣ бо Маркази Африқоии омӯзиш ва таҳқиқи терроризм дар назар дошта шудааст.

Сохтори минтақавии зиддитеррористии СҲШ ҳамеша барои гуфтугӯ ва ҳамкорӣ дар бахши мутаҳҳидсозии нерӯҳои байналмиллалӣ оид ба мубориза бо хатари умумиву ҷаҳонӣ - терроризм омода аст.

Бознашр аз ҳафтаномаи “Народная газета”

Эзоҳи худро нависед



Рамзҳо дар расм

соли ҷавононн

Рӯзнома

Назарсанҷӣ

  1. Ба фикри Шумо “Соли ҷавонон” чӣ гуна сипарӣ шудаистодааст?

Тақвим

Дш Сш Чш Пш Ҷ Ш Яш
29 30 31 1 2 3 4
5 6 7 8 9 10 11
12 13 14 15 16 17 18
19 20 21 22 23 24 25
26 27 28 1 2 3 4

Феврал 2018 c.