СИЁСАТ
Шанбе 27 Апрел 2024 11:02
Имрӯз Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар Агентии назорати давлатии молиявӣ ва мубориза бо коррупсия, Агентии хизмати давлатии назди Президенти Ҷумҳурии Тоҷикистон ва Саридораи ҳифзи сирри давлатии назди Ҳукумати Ҷумҳурии Тоҷикистон тағйироти кадрӣ ба амал оварданд.
Дар ин бора сомонаи расмии Президенти кишвар хабар додааст.
Дар хабар омадааст, ки кадрҳои ба вазифаҳои роҳбарӣ дар ниҳодҳои мазкур таъйингардидаро Сарвари давлат ба ҳузур пазируфтанд.
“Бо фармонҳои Президенти Ҷумҳурии Тоҷикистон ба вазифаҳои муовини якум ва муовини директори Агентии назорати давлатии молиявӣ ва мубориза бо коррупсияи Ҷумҳурии Тоҷикистон, дар мувофиқа бо Сарвари давлат сардорони раёсатҳои Агентии назорати давлатии молиявӣ ва мубориза бо коррупсияи Ҷумҳурии Тоҷикистон дар Вилояти Мухтори Кӯҳистони Бадахшон, шаҳри Душанбе, вилоятҳои Суғду Хатлон, минтақаи Кӯлоби вилояти Хатлон, сардорони баъзе аз раёсатҳои дастгоҳи марказии Агентии назорати давлатии молиявӣ ва мубориза бо коррупсия, аз ҳисоби кадрҳои кордону варзида ва ҷавону ояндадор таъин гардиданд”,-навиштааст president.tj.
Ҳамчунин, гуфта мешавад, ки муовини директори Агентии хизмати давлатии назди Президенти Ҷумҳурии Тоҷикистон ва муовини якуму муовини сардори Саридораи ҳифзи сирри давлатии назди Ҳукумати Ҷумҳурии Тоҷикистон иваз карда шудаанд.
Президенти кишвар зимни суҳбат барои бартараф намудани камбудиҳои дар мақомот ҷой дошта, мубориза бар зидди ҳама гуна ҷинояткорӣ, назорати харҷи босамари маблағҳои буҷетӣ ва татбиқи ҳадафмандонаи лоиҳаҳои сармоягузорӣ ва бо ҳисси баланди масъулиятшиносию ватандӯстӣ ба роҳ мондани фаъолияти хизматӣ дастуру супоришҳо додаанд.
Ёдовар мешавем, ки чанде пеш аз ин Пешвои миллат дар ҷаласаи Шурои амният аз ноуҳдабароии баъзе аз масъулини мақомоти қудратӣ интиқод карда, супориш дода буданд, ки дар сохторҳои Вазорати корҳои дохила, Кумитаи давлатии амнияти миллӣ, Прокуратураи генералӣ, Агентии назорати давлатии молиявӣ ва мубориза бо коррупсия ва Агентии назорати маводи нашъаовар тағйироти кадрӣ ба амал оварда шавад.
“ҶТ”
Дар ин бора сомонаи расмии Президенти кишвар хабар додааст.
Дар хабар омадааст, ки кадрҳои ба вазифаҳои роҳбарӣ дар ниҳодҳои мазкур таъйингардидаро Сарвари давлат ба ҳузур пазируфтанд.
“Бо фармонҳои Президенти Ҷумҳурии Тоҷикистон ба вазифаҳои муовини якум ва муовини директори Агентии назорати давлатии молиявӣ ва мубориза бо коррупсияи Ҷумҳурии Тоҷикистон, дар мувофиқа бо Сарвари давлат сардорони раёсатҳои Агентии назорати давлатии молиявӣ ва мубориза бо коррупсияи Ҷумҳурии Тоҷикистон дар Вилояти Мухтори Кӯҳистони Бадахшон, шаҳри Душанбе, вилоятҳои Суғду Хатлон, минтақаи Кӯлоби вилояти Хатлон, сардорони баъзе аз раёсатҳои дастгоҳи марказии Агентии назорати давлатии молиявӣ ва мубориза бо коррупсия, аз ҳисоби кадрҳои кордону варзида ва ҷавону ояндадор таъин гардиданд”,-навиштааст president.tj.
Ҳамчунин, гуфта мешавад, ки муовини директори Агентии хизмати давлатии назди Президенти Ҷумҳурии Тоҷикистон ва муовини якуму муовини сардори Саридораи ҳифзи сирри давлатии назди Ҳукумати Ҷумҳурии Тоҷикистон иваз карда шудаанд.
Президенти кишвар зимни суҳбат барои бартараф намудани камбудиҳои дар мақомот ҷой дошта, мубориза бар зидди ҳама гуна ҷинояткорӣ, назорати харҷи босамари маблағҳои буҷетӣ ва татбиқи ҳадафмандонаи лоиҳаҳои сармоягузорӣ ва бо ҳисси баланди масъулиятшиносию ватандӯстӣ ба роҳ мондани фаъолияти хизматӣ дастуру супоришҳо додаанд.
Ёдовар мешавем, ки чанде пеш аз ин Пешвои миллат дар ҷаласаи Шурои амният аз ноуҳдабароии баъзе аз масъулини мақомоти қудратӣ интиқод карда, супориш дода буданд, ки дар сохторҳои Вазорати корҳои дохила, Кумитаи давлатии амнияти миллӣ, Прокуратураи генералӣ, Агентии назорати давлатии молиявӣ ва мубориза бо коррупсия ва Агентии назорати маводи нашъаовар тағйироти кадрӣ ба амал оварда шавад.
“ҶТ”
Хабарҳои дигар
Рӯзнома
Эзоҳи худро нависед