Имрӯз Антониу Гутерриш, дабири кулли Созмони Милали Муттаҳид зимни мулоқот бо Президенти кишвар муҳтарам Эмомалӣ Раҳмон ҳамкории Тоҷикистонро бо созмонҳои ҷаҳонӣ намунавӣ арзёбӣ намуда гуфтааст, ки Тоҷикистон дар кори Созмони Милали Муттаҳид ва дар умум кори ҷомеаи ҷаҳонӣ нақши барҷаста дошта, Иқдомҳоеро, ки Тоҷикистон пеш гирифтааст, ки хеле назаррас мебошанд.

- Тоҷикистон кишвари хурд ҳам бошад дар кори Созмони Милали Муттаҳид ва дар умум кори ҷомеаи ҷаҳонӣ таъсири зиёд ва нақши барҷаста дорад. Мо ҳаргиз он иқтидор, неру ва фаъолияти бевоситаи Тоҷикистонро ҷиҳати дар тамоми дунё баррасӣ намудани масъалаи об фаромӯш намекунем,- гуфтааст Антониу Гутерриш.

Дабири кулли СММ ба Пешвои миллат муҳтарам Эмомалӣ Раҳмон изҳор кард, ки бо ташаббуси шумо мо Даҳсолаи байналмилалии амал “Об барои рушди устувор, солҳои 2018-2028”-ро амалӣ менамоем.

Антониу Гутерриш ҳамчунин эъломияи аз рӯйи натиҷаҳои Конфронси сеюми байналмилалии сатҳи баланд оид ба Даҳсолаи байналмилалии амал қабулгардидаро ҳуҷҷати муҳим номида, иброз дошт, ки Созмони Милали Муттаҳид хостори татбиқи натиҷаҳои конфронс бо Тоҷикистон аст.