СИЁСАТ
Душанбе 25 Июн 2018 05:04
648
Тавре иттилоъ доред, 22 майи соли равон раъйпурсӣ барои ворид кардани тағйиру иловаҳо ба Конститутсияи мамлакат баргузор мегардад. Азбаски ҷавонон дар Тоҷикистон беш аз 70 фисадро ташкил медиҳанд, иштироки фаъоли онҳо дар ин маъракаи муҳими сиёсӣ нақши асосӣ дорад. Аз мусоҳибонпурсидем:

Тағйиру иловаҳо ба Конститутсияро чӣ гуна дарёфтед?

Усмонзода Саидҷаъфар, вакили МН МО ҶТ, раиси ҲДТ:
-Як давлат вақте рушд мекунад, аз як зина ба зинаи дигар мегузарад. Хоҳ нохоҳ қонунҳо низ дигар мешавад, ки ин талаботи ҷомеа аст. Мардум низ бо тарзи нав зистан мехоҳанд ва масъулиятҳои нав пайдо мегардад.
Вақте ба рафти тараққиёти ҷомеаи ҷаҳонӣ нигоҳ мекунем ва таҳаввулотҳои охирро мебинем, онҳо барои суботу тарақиёти давлат ба роҳ монда мешаванд. Асосаш ҳамин аст, ки этиқодҳои сиёсӣ дар асоси этиқодҳои динӣ ва баъзе хусусиятҳои миллӣ, рӯҳафтода нашудани ҷавонон дар ҷомеа бояд таъсис дода шавад. Ва бештари тағйирот имлоӣ аст.
Мардуми кишвар имрӯз дар зинаи рушди нав қарор дорад ва ҳамаи ин тағйиру иловаҳоро дастгирӣ низ мекунанд. Чун дар вохурӣ бо мардум маълум гардид, ки аз ин райпурсӣ хуб истиқбол мекунанд.
Қонунҳо ҷомеаро идора мекунанд ва барои он ки қонунҳо ҷомеаро дуруст идора кунанд бояд ба талаботи ҳамон давру замон мутобиқ бошанд. Тағйироту иловаҳо ба Конститутсия тағйири замон ва талаботи ҷомеаи Тоҷикистон аст. Ин марака дар сатҳои хеле баланд хоҳад гузашт, чун дар сӯҳбатҳо бо мардум мушоҳида кардем, ки онҳо ин таъғиру иловаро бо як самимият тарафдорӣ мекунанд.

Зафари Қаюм, муҳаррири идораи сиёсии Шабакаи якуми телевизиони Тоҷикистон:
-Ман аз пешниҳоди тағйиру иловаҳо ба Конститутсия истиқбол мекунам. Аз нигоҳи ман пешниҳоди мазкур тақозои замон асту дар пешрафти рӯзгори иқтисодиву иҷтимоӣ ва фарҳангиву маънавии ҷомеа, тарғиби анъанаҳои миллӣ, таълиму тарбияи насли наврас, ба камол расонидани инсони комил ва рушди нерӯи инсонӣ нақши арзанда мебозад.
Ин тағйиру иловаҳо имкон медиҳад, ки бештари ҷавонон дар идоракунии давлатӣ ҷалб шаванд ва саҳми худро дар ободии Ватан гузоранд. Ба андешаи ман ворид намудани тағйиру иловаҳо ба Конститутсия ба манфиати ҳар тоҷик ва тоҷикистонист. Ин танҳо ба манфиати миллат аст.

Эзоҳи худро нависед



Рамзҳо дар расм

Рӯзнома

Назарсанҷӣ

  1. Ба фикри Шумо “Соли ҷавонон” чӣ гуна сипарӣ шудаистодааст?

Тақвим

Дш Сш Чш Пш Ҷ Ш Яш
28 29 30 31 1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 1

Июн 2018 c.