СИЁСАТ
Чоршанбе 29 Сентябр 2021 03:46
8156
Вазорати адлия дар самти фаъолияти ҳуқуқэҷодкунӣ ба 1944 лоиҳаи санадҳои меъёрии ҳуқуқӣ ва 1759 ҳуҷҷати хусусияти ҳуқуқии байналмилалӣ хулосаи ҳуқуқӣ пешниҳод намудааст. Ин нуқтаро Ашуриён Музаффар вазири Адлия имрӯз, зимни нишасти матбуотӣ иброз дошт.

Ӯ гуфт, ки аз тарафи мақомоти сабти асноди ҳолати шаҳрвандӣ дар давраи ҳисоботӣ 215613 санад ба қайд гирифта шудааст, ки ин нисбат ба ҳамин давраи соли гузашта 12807 то зиёд мебошад.

Дар самти бекор кардани ақди никоҳ бошад, дар нимсолаи аввали соли ҷорӣ 6476 ҳолати бекор кардани ақди никоҳ ба қайд гирифта шудааст. Дар ин бора Сироҷиддинзода Саодатбибӣ, сардори раёсати Асноди ҳолати шаҳрвандӣ чунин иброз дошт: “ Дар 6-моҳи охир 6476 оилаҳо ҷудо гардиданд, ки нисбат ба соли гузашта 990 оила зиёд пош хӯрдааст. Аз шумораи оилаҳо пошхӯрда 6701 нафар кӯдак ятим монданд.”

Ҳамчунин ӯ гуфт, ки нишондиҳандаи зиёд оид ба бекор кардани ақди никоҳ дар вилояти Суғд мушоҳида гардида, дар нимсолаи аввали соли 2021 шумораи он ба 1959 нафар расидааст.

- Вазорати адлия дар якҷоягӣ бо муассисаҳои назди вазорат ҷиҳати мустаҳкам намудани пояҳои оиладорӣ, фаҳмондани ҳуқуқу уҳдадориҳои зану шавҳар ва дигар аъзои оила корҳои фаҳмондадиҳиро пайваста ба роҳ мондааст, - қайд намуд, Ашуриён Музаффар.

Эзоҳи худро нависед



Рамзҳо дар расм

Рӯзнома

Назарсанҷӣ

У вас нет прав на участие в данном опросе.

Тақвим

Дш Сш Чш Пш Ҷ Ш Яш
30 31 1 2 3 4 5
6 7 8 9 10 11 12
13 14 15 16 17 18 19
20 21 22 23 24 25 26
27 28 29 30 1 2 3

Сентябр 2021 c.