Бахшида ба 33-юмин солгарди Истиқлоли давлатӣ тибқи нақшаи чорабиниҳои тасдиқгардида масъулини Кумитаи кор бо ҷавонон ва варзиши назди Ҳукумати Ҷумҳурии Тоҷикистон дар Ташкилоти ҷамъиятии “Маъюбони ҷанг дар Афғонистон” бо собиқадорони он мулоқот карданд.

Дар ин бора аз дафтари матбуотии Кумитаи кор бо ҷавонон ва варзиши назди Ҳукумати Ҷумҳурии Тоҷикистон хабар доданд.

Ба иттилои манбаъ дар чорабинӣ намояндагони Кумитаи кор бо ҷавонон ва варзиш ва сохтори маҳаллии он дар ноҳияи Сино, роҳбарият ва аъзои ташкилот, инчунин хонандагони муассисаҳои таҳсилоти миёнаи умумӣ иштирок намуданд.

Нахуст иштирокчиёни ҷанг дар самтҳои таҳкими тарбияи ватандӯстӣ, ҳифз ва эҳтиром ба арзишҳои миллӣ, хизмати содиқона ба давлату миллат суҳбат намуда, ҷавонони даврони Истиқлолро насли хуштолеъ гуфтанд.

Ҳамчунин, гуфта шуд, ки дар охири чорабинӣ ба аъзоёни фаъоли ташкилоти болозикр аз номи роҳбарияти Кумитаи кор бо ҷавонон ва варзиш Сипоснома ва туҳфаҳои хотиравӣ тақдим карда шуд.

Наҷиба МУРОДБЕКОВА, “ҶТ”