ҶОМЕА
Якшанбе 26 Май 2024 09:01
10000
Соли 2023 дар Ҷумҳурии Тоҷикистон ҷинояткорӣ аз ҷониби ноболиғон ва ҷавонон коҳиш ёфтааст.

Дар ин бора имрӯз Рамазон Раҳимзода, вазири корҳои дохилии Ҷумҳурии Тоҷикистон зимни нишасти хабарӣ бо рӯзноманигорон иттилоъ дод.

Ба гуфти вазир, аз тарафи ноболиғон 555 ҷиноят ба қайд гирифта шудааст, ки нисбат ба соли 2022-юм 182 ҳолат кам аст. Инчунин, аз тарафи ҷавонон 3020 ҷиноят ба қайд гирифта шудааст, ки он дар соли 2022-юм 3572 ҳолатро ташкил медод.

Ҳамзамон, қайд гардид, падару модароне, ки уҳдадориҳои худро дар таълиму тарбияи фарзанд иҷро накардаанд, ба ҷавобгарӣ кашида шуданд, ки нисбат ба ҳамин давраи соли қаблӣ зиёд аст.

- Нисбати падару модарон ва масъулини муассисаҳои таълимӣ бо дастрасии моддаи 90 Кодекси ҳуқуқвайронкунии маъмурии Ҷумҳурии Тоҷикистон 14 ҳазору 126 адад (13 276) парвандаи ҳуқуқвайронкуниҳои маъмурӣ тартиб дода шуда, барои андешидани чораҳои қонунӣ ба судҳои шаҳру ноҳияҳо ирсол гардиданд, - гуфт вазири корҳои дохилии кишвар.

Эзоҳи худро нависед



Рамзҳо дар расм