Дар Ҷумҳурии Тоҷикистон дар семоҳаи аввали соли 2024 аз ҷониби шаҳрвандон 257 қонуншиканӣ дар самти танзим анъана ва ҷашу маросимҳо ба қайд гирифта шудааст.

Тибқи омор дар Ҷумҳурии Тоҷикистон аз соли 2007 то семоҳаи аввали соли 2024 шумораи қонуншиканиҳо дар ин самт афзоиш ёфтааст.

Масалан, дар соли 2007 шумораи қонуншиканиҳо 91 ададро ташкил медод, вале соли 2010 он ба 157 расидааст. Дар соли 2015 аллакай ин шумора 562 адад, яъне 405 адад танҳо дар як сол зиёд гардидааст. Ҳамин тариқ, соли 2020 қонуншиканӣ боз ҳам зиёд гардида, ба 681 ҳолат омада расидааст. Дар соли 2022 бошад, дар кишвар 770 қонуншиканӣ дар ин самт ба назар мерасад. Соли 2023 қариб 100 адад афзудааст ва шумораи он ба 826 омада расидааст, ки аз афзиоши қонуншиканӣ дар ин самт дарак медиҳад.

Бояд тазаккур дод, ки Қонуни Ҷумҳурии Тоҷикистон “Дар бораи танзими анъана ва ҷашну маросим дар Ҷумҳурии Тоҷикистон” 8 июни соли 2007 қабул гардида, ҳадафи он ҳимояи манфиатҳои иҷтимоии мардуми Тоҷикистон, паст кардани сатҳи камбизоатӣ дар ҷомеа, ҷилавгирӣ аз хароҷоти зиёдатӣ, ки ба манфиатҳои иқтисодӣ ва фазои маънавии ҳаёти шаҳрвандон зарари ҷиддӣ ворид менамоянд, ба шумор меравад.