Ин нуктаро 3 август Абдухалил Ғафурзода, ректори Академияи идоракунии давлатии назди Президенти Ҷумҳурии Тоҷикистон зимни нишасти матбуотии ин ниҳод иброз дошт.

Номбурда дар посух ба суоли рӯзноманигорон дар мавриди бидуни ягон мушкил ва бо хоҳиши худашон ба сафи Қувваҳои Мусаллаҳи Ҷумҳурии Тоҷикистон пайвастани донишҷӯëн чунин гуфт:

- Хизмат ба Ватан қарзи шаҳрвандии ҳар яке аз мо ба ҳисоб меравад. Дар мавсими даъвати имсола ба сафи Қувваҳои Мусаллаҳи Ҷумҳурии Тоҷикистон 40 нафар донишҷӯëни Академия ба таври ихтиëрӣ ба хизмати ҳарбӣ рафтанд. Донишҷӯёне, ки дар зинаи магистр таҳсил карда, ба таври ихтиëрӣ ба хизмати ҳарбӣ рафтаанд, ба муддати як соли боқимонда аз супоридани маблағи шартнома озод карда мешаванд.

Зуҳро РИЗОЗОДА, “ҶТ”