ҶОМЕА
Сешанбе 26 Июн 2018 12:41
848
Бонки аврупоии таҷдид ва рушд (БАТР) ва Маркази тиҷорати байналмилалӣ дар мавзӯи тарроҳии торнамо (веб-сайт) барои корхонаҳои соҳаи нассоҷиву дӯзандагии кишвар давраи омӯзишӣ баргузор мекунанд. Чорабинӣ имрӯз, 28-уми апрел, дар шаҳри Душанбе ва 3-юми май дар шаҳри Хуҷанд доир мегардад.

Дар чорабинӣ доир ба аҳамияти бозорёбии интернетӣ ва сохтани торнамоҳо ва фурӯшгоҳҳои онлайни замонавӣ дониш ва маълумот пешниҳод мешавад. Ҳадаф аз он мусоидат ба корхонаҳои миёна ва хурд дар афзоиши фурӯшҳои онлайн ва пайдоиши муштариёни нав дар кишвар ва берун аз он мебошад.

Тренери давраи омӯзишӣ Далер Каримов аз ширкати машваратии маҳаллии “Исм” (www.ism.tj) мебошад, ки дар тарроҳии торнамо ва фанновариҳои онлайнӣ таҷриба дорад. Ӯ ба иштироккунандагон роҳҳои ҷолибтар гардонидани торнамоҳои расмиашон барои бинандагон ва роҳаттар гардонидани истифодаи торнамоҳоро таълим медиҳад. Ӯ василаҳои одӣ ва содаи бозорёбӣ дар интернетро нишон дода, иштироккунандагони давраи омӯзиширо бо намунаҳои муваффақи фурӯшгоҳҳои интернетӣ ва торнамоҳои ширкатҳо шинос мекунад. Ҳамчунин, ӯ нишон хоҳад дод, то чӣ гуна торнаморо барои бинандагон ҷолиб ва дилкаш гардонид.

Ба андешаи Далер Каримов, тиҷоратҳои хурд бештар ҳадаф мегузоранд, то чӣ гуна шумори боздидҳо аз торнамояшон бо харид анҷом ёбад. Вале, баъзан, соҳибкорон нақшаи бозорёбии интернетиеро рӯидаст мегиранд, ки ба интизороташон посух намегӯяд. Ҳузури муассир дар интернет василаи хубе барои афзоиши шумори муштариён буда, роҳҳои содаву осони ба даст овардани он вуҷуд дорад. Торнамоҳои расмии ширкатҳо бояд сода, фоидаовар ва ҷолиб бошанд ва ба ширкат имкон диҳанд, то маҳсулоташро фурӯшад ва шарикон пайдо намояд”.

Эзоҳи худро нависед



Рамзҳо дар расм

Рӯзнома

Назарсанҷӣ

  1. Ба фикри Шумо “Соли ҷавонон” чӣ гуна сипарӣ шудаистодааст?

Тақвим

Дш Сш Чш Пш Ҷ Ш Яш
28 29 30 31 1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 1

Июн 2018 c.