Дар толори варзишии Зарафони ноҳияи Ҷаббор Расулов бахшида ба таҷлили 33-юмин солгарди Истиқлоли давлатӣ Чемпионати вилоятӣ оид ба намуди Кикбоксинг ВАКО (марҳилаи 2) баргузор гардид.

Дар ин бора Бахши кор бо ҷавонон ва варзиши ноҳияи мазкур иттилоъ дод.

Ба иттилои манбаъ дар чемпионати мазкур зиёда аз 100 нафар варзишгар дар 10 даста аз шаҳру ноҳияҳои вилоят иштирок карда, миёни ҳам қувваозмоӣ намуданд.

Ғолибону ҷоизадорони мусобиқа бо медалу дипломҳои раёсати кор бо ҷавонон ва варзиши вилояти Суғд қадр шуда, дар баробари ин ғолибони марҳилаи дуюм ба Чемпионати Ҷумҳурии Тоҷикистон, ки рӯзҳои 31-уми август ва 1 сентябр дар шаҳри Душанбе баргузор мешавад, роҳхат гирифтанд.

Ҳошим РАҲМАТУЛЛОЕВ, “ҶТ”