Дар соли таҳсили 2023 Академияи идоракунии давлатии назди Президенти Ҷумҳурии Тоҷикистонро 1257 нафар хатм намудаанд. Аз теъдоди зикр гардида, 65 нафар соҳиби дипломи аъло гардиданд, ки 5,2 % -и шумораи умумиро ташкил медиҳад.

Ин нуктаро Абдухалил Ғафурзода, ректори Академияи идоракунии давлатии назди Президенти Ҷумҳурии Тоҷикистон 15 август зимни нишасти матбуотӣ баён кард.

Қайд гардид, ки ба ҳолати моҳи июни соли таҳсили 2023 шумораи умумии донишҷӯён ва магистрантони Академия 4864 нафарро ташкил медиҳад. Аз ин теъдод 979 нафар ройгон ва 3885 нафар шартномавӣ таҳсил менамояд.

Гулафшон КАРИМОВА, “ҶТ”