Ин нуктаро имрӯз Абдулло Раҳмонзода, раиси Кумитаи кор бо ҷавонон ва варзиши назди Ҳукумати Ҷумҳурии Тоҷикистон зимни нишасти матбуотии ин ниҳод иброз дошт.

Номбурда дар посух ба суоли рӯзноманигорон дар мавриди кай вориди намудҳои гӯштини байналмилалӣ шудани гӯштини миллӣ гуфт:

-Бо дастгирии бевоситаи Раиси шаҳри Душанбе муҳтарам Рустами Эмомалӣ тайи чанд соли охир дар пойтахти кишварамон аз ин намуди зебои варзиш мусобиқаҳои байналмилалӣ гузаронида шуд. Ин ба ворид шудани рӯйхати мусобиқаҳои байналмилалӣ заминаи хуб гузошт. Ҳуҷҷатгузорӣ дар ин самт ҷараён дорад ва мо умед дорем, ки гӯштини миллии мо вориди рӯйхати намудҳои варзиши байналмилалӣ мегардад.