Ба истиқболи Рӯзи ҷавонон аз 20 то 25 майи соли равон дар шаҳри Душанбе “Ҳафтаи илм, технология, инноватсия ва ихтироъкории наврасону ҷавонони шаҳри Душанбе” баргузор мегардад. 

Гуфта мешавад, дар чорабинии мазкур олимони ҷавон ширкат варзида, лоиҳаҳои илмии худро пешниҳод менамоянд. Ҳамчунин, барномаву ихтирооти ҷавонон дар муасисаҳои техникии пойтахт ба намоиш гузошта хоҳанд шуд.

Ба таъкиди масъулин мақсади баргузории чорабинӣ баланд бардоштани сатҳу сифати таҳсилот, ба навовариву ихтироъкорӣ, омӯзиши амиқи илмҳои дақиқ ҷалб намудани ҷавонону наврасон, инчунин ташаккули сатҳи фарҳанги техникӣ, тарғиби маданияти истифодаи иттилооти интернетӣ, ҷорӣ намудани техникаю технологияи инноватсионии муосир дар раванди таълим, сайқал додани донишу маҳорат ва дастгирии ихтироъкорону навоварони наврасу ҷавон мебошад.

Дар интиҳо ғолибон бо диплом ва туҳфаҳои хотиравии мақомоти иҷроияи ҳокимияти давлатии шаҳри Душанбе қадрдонӣ хоҳанд шуд.