Агентии беҳдошти замин ва обёрии назди Ҳукумати Ҷумҳурии Тоҷикистон мақсад дорад, ки дар нимсолаи дуюми соли равон таъмини муътадили истифодабарандагон бо обро ба роҳ монад.

Дар ин бора Зафарбек Давлатзод, директори Агентӣ дар нишасти матуботӣ иттилоъ дод.

- Инчунин аз худ кардани 3254 га замини нав, барқарорсозии 1400 га заминҳои аз гардиши кишоварзӣ берунмонда, беҳтар намудани ҳолати ғайриқаноатбахши мелиоративии заминҳои корами обӣ дар майдони 11 ҳазору 222 гектар ва гузаронидани корҳои соҳилмустаҳкамкунӣ ба дарозии 18 ҳазору 894 метр бо мақсади пешгирӣ аз офатҳои табии марбут ба об ва эмин нигоҳ доштани маҳалҳои аҳолинишин ва иншоотҳои хоҷагии халқ дар назар аст,- гуфт Зафарбек Давлатзода.

Ҳамчунин, қайд шуд, ки дар ин давра аз ҳисоби заминҳои чарогоҳ ва заминҳои ғайрикишоварзӣ 1363 гектар заминҳои нав азхуд карда шуда, 1732 гектар заминҳои аз гардиши кишоварзӣ берунмонда барқарор ва ба гардиши кишоварзӣ ворид карда шуд.

Гулафшон КАРИМОВА, “ҶТ”