Имрӯз зимни нишасти хабарии Академияи идоракунии давлатии назди Президенти Ҷумҳурии Тоҷикистон ректори он Ғафурзода Абдухалил Давлаталӣ оид ба саволи он ки чаро вақтҳои охир сомонаи “Ahbor.com” ва “Озодӣ” назар ба дигар муссисаҳои олии таълимӣ роҷеъ ба Академияи идоракунии давлатӣ бештар ҳар гуна ахборотро паҳн мекунанд, гуфт:

“Албатта, ин ҷой дорад. Аммо ба саволи шумо, ки чаро зиёд ҳар гуна хабарҳо атрофи Академияи идоракунӣ вақтҳои ахир шуда истодаааст, инро зикр кардан мехоҳам, ки ин муассисаро бевостиа Президенти кишвар таъсис додааст, оинномаи ин муассиса аз тарафи президет тартиб дода шудааст, инчунин ин муассиса тобеи дастгоҳи иҷроия аст. Барои ҳамин хоинону дигар хабаргузориҳо ҳар гуна хабарҳои бе далелро паҳн карда истодаанд”.

Инчунин дар ин нишаст роҳбарияти академия оид ба вокуниш ба хабарҳое, ки марбут ба ин муассисаанд, иброз доштанд: “Ба ҳамагон маълум аст, ки сомонаи “Ahbor.com” аз тарафи Суди Олӣ ҳамчун сомонаи террористӣ ва паҳнкунандаи маълумотҳои бардурӯғ хонда шудаву баста шудааст. Мо дигар ба ин сомонаи мамнуъ чӣ вокуниш нишон диҳем? Ба ғайр аз ин маълумотҳое, ки онҳо дар сомонаҳо ва шабакаҳои иҷтимоӣ паҳн кардаанд, ягон асос надоранд”.

Ректори академияи мазкур дар идома гуфт, он васоити ахбори оммаи ватанию хориҷӣ, ки дар Ҷумҳурии Тоҷикистон фаъолият мекунанд, метавонанд дар чунин ҳолатҳо бевосита аз мо суол кунанд ва мо бе ҳеҷ мушкилӣ дар бораи ҳама гуна сару садоҳо ҷавобҳои мушаххасро пешкаш менамоем”.