ҶОМЕА
Якшанбе 22 Сентябр 2019 02:16
6354
Имрӯз, 9 август дар Муассисаи давлатии “Душанбе-Плаза” мизи мудаввар оид ба оғози расмии татбиқи лоиҳаи “Хизматрасониҳои маҷмуӣ барои модару кӯдак” (гранти Бонки осиёии рушд) – и назди Вазорати тандурустӣ ва ҳифзи иҷтимоии аҳолии Ҷумҳурии Тоҷикистон доир гардид.

Дар мизи мудаввар Олимзода Насим, вазири тандурустӣ ва ҳифзи иҷтимоии аҳолии Ҷумҳурии Тоҷикистон, Марте Эверард, роҳбари Ташкилоти умумиҷаҳонии тандурустӣ дар Ҷумҳурии Тоҷикистон, Прадип Сривастава, роҳбари намояндагии Бонки осиёии рушд дар Ҷумҳурии Тоҷикистон ва дигарон иштирок ва суханронӣ намуданд.

Зимни ҷаласа гуфта шуд, ки вобаста ба масъалаҳои самаранок истифода намудани маблағҳои инвеститсионӣ дар самти беҳтаркунии сатҳу сифати хизматрасонии тиббӣ ба модарон ва кӯдакон дар асоси фармони Президенти кишвар “Дар бораи лоиҳаи Созишномаи грантӣ байни Ҷумҳурии Тоҷикистон ва Бонки Осиёии рушд амалисозии Лоиҳа “Хизматрасониҳои маҷмӯӣ барои модар ва кӯдак” дар муассисаҳои тандурустии ноҳияҳои таҷрибавии Рашту Файзободи тобеи ҷумҳурӣ ва Шамсиддини Шоҳини ваилояти Хатлон оғоз гардидааст. Амалисозии лоиҳаи мазкур аз 29 марти соли ҷорӣ оғоз гардида, то 31 августи соли 2025 ба нақша гирифта шудааст.

Маблағии умумии Лоиҳа 35,2 миллион доллари амрикоиро ташкил медиҳад, ки аз ин маблағ 3,2 миллион доллари амрикоӣ саҳми Ҳукумати Ҷумҳурии Тоҷикистон мебошад.

Дар идома таъкид гардид, ки лоиҳаи мазкур аз се қисмат иборат буда, онҳо “Беҳтар намудани хизматрасонии ҳамгироишудаи босифат оид ба ҳифзи саломатии модар ва кӯдак”, “Такмил ва таҷдиди хизматрасониҳо дар самти саломатии модару кӯдак ва рафтори ба нигоҳдории саломатӣ нигаронидашуда” ва “Баланд бардоштани сатҳи дониш дар сатҳи саломатии модару кӯдак ва рафтори ба нигоҳдории саломатӣ нигаронидашуда” мебошанд.

Ба назари масъулин ҳадафи лоиҳа барои беҳтаркунонии хизматрасонии маҷмӯӣ дар ноҳияҳои зерҳадаф, мукамалсозӣ ва бехатаркунии инфрасохтор дар беморхонаҳо ва муассисаҳои кӯмаки аввалияи тиббию санитарӣ ба туфайли сохтмон ва таъмири итшоотҳо, таъминоти бо таҷҳизот ва мебели тиббӣ, бехатаркунии системаи идоракунии таҷҳизот ва иқтидори мутахассисон оид ба хизматрасонии техникии таҷҳизот дар ноҳияҳои зерҳадаф равона карда шудааст.

Эзоҳи худро нависед



Рамзҳо дар расм

Рӯзнома

Назарсанҷӣ

  1. Ба фикри Шумо “Соли ҷавонон” чӣ гуна сипарӣ шудаистодааст?

Тақвим

Дш Сш Чш Пш Ҷ Ш Яш
26 27 28 29 30 31 1
2 3 4 5 6 7 8
9 10 11 12 13 14 15
16 17 18 19 20 21 22
23 24 25 26 27 28 29
30 1 2 3 4 5 6

Сентябр 2019 c.