ҶОМЕА
Ҷумъа 18 Октябр 2019 07:28
6304
Дар толори мақомоти иҷроияи ҳокимияти давлатии вилояти Хатлон таҳти раёсати муовини раиси вилоят Махфират Хидирзода ҷаласаи якҷояи Шӯрои ҳамоҳангсозӣ оид ба пешгирии суистеъмоли маводи нашъадор ва тасдиқи “Барномаи миллии ташаккули тарзи ҳаёти солим барои солҳои 2011-2020” дар вилояти Хатлон баргузор гардид.

Дар назди Шӯрои ҳамоҳангсозӣ гурӯҳӣ мониторингӣ барои гузаронидани арзёбӣ ва баҳодиҳӣ доир ба татбиқи “Барномаи миллии ташаккули тарзи ҳаёти солим дар вилояти Хатлон барои солҳои 2011-2020” бо ҷалби намояндагони сохторҳои дахлдор ташкил шуд.

Тибқи бандҳои иҷроиши “Барномаи миллии ташакулли тарзи ҳаёти солим  дар вилояти Хатлон барои солҳои 2011-2020” бо сохторҳо, Раёсати кор бо занон ва оила, Раёсати маориф, Раёсати фарҳанг, Кумитаи ҳифзи муҳити зист, Раёсати ҷавонон ва варзиши  мақомоти иҷроияи ҳокимияти давлатии  вилоят нақшаҳои муштарак тартиб дода шуданд.

Гуфта шуд, корҳои оммафаҳмонӣ дар муассисаҳои таҳсилоти миёнаи умумии шаҳру ноҳияҳои вилоят вобаста ба тарзи ҳаёти солим дар мавзӯъҳои беҳдошт, ғизои солим, риояи гигиенаи шахсӣ, пешгирии бемориҳои сироятӣ, бунёди оилаи намунавӣ, диабети қанд, фишорбаландӣ, зиёни тамоку ва нос, моҳияти варзиш гузаронида шуданд.

Дар охир бо натиҷагирӣ аз фаъолияти Шӯрои мазкур муовини раиси вилоят Махфират Хидирзода баромад намуда, ба масъулини дахлдор ҷиҳати камбудиҳои ҷойдошта ва боз ҳам беҳтар намудани кори Шӯро дастуру супоришҳо доданд.

Эзоҳи худро нависед



Рамзҳо дар расм

Рӯзнома

Назарсанҷӣ

  1. Ба фикри Шумо “Соли ҷавонон” чӣ гуна сипарӣ шудаистодааст?

Тақвим

Дш Сш Чш Пш Ҷ Ш Яш
30 1 2 3 4 5 6
7 8 9 10 11 12 13
14 15 16 17 18 19 20
21 22 23 24 25 26 27
28 29 30 31 1 2 3

Октябр 2019 c.