ҶОМЕА
Ҷумъа 20 Май 2022 08:19
6922
Бино ба иттилои Вазорати корҳои дохилии Ҷумҳурии Тоҷикистон соли 2019 аз ҷониби ноболиғон 873 ҷиноят ва аз ҷониби ҷавонон 5035 ҷиноят содир гардида, ин ҷиноятҳо нисбати соли 2018 коҳиш ёфтааст.

Рӯз то рӯз дар ҷомеаи мо зуҳуротҳои нав ба нав пайдо шуда истодааст ва дар ҳар сурат онҳо таъсири манфии худро ба ҷомеа мерасонанд. Яке аз онҳо, ки имрӯз дар ҷомеаи мо пайдо шудааст, ин бо худ гирифтани корд ва дигар ашёҳое, ки ҳамчун “силоҳи сард” шинохта мешаванд, аз ҷониби ҷавонону наврасон аст. Ин боис гардидааст, ки ҷиноятҳои махсусан вазнинро ҷавонону ноболиғон содир намояд.

Бояд гуфт, ки ин амалҳо омилҳои гуногуни худро доранд. Сабаби бо корд ва дигар ашёҳои чун “силоҳи сард” сарукор гирифтани ҷавононро сардори Раёсати ВКД дар ш. Душанбе, Назарзода Шариф Раҳмон қабл аз ҳама дар беназоратии волидон мебинад.

“Сабаби он пеш аз ҳама бетарафии падару модарон нисбати фарзандон аст. Падару модар ва дигар шахсон ҳам бетарафӣ зоҳир менамоянд ва ин беназоратиҳо боис мегардад, ки ҷавонону ноболиғон ин “силоҳи сард”-ро бо худ гардонанд. Аммо пас аз ба роҳ мондани амалиёти шартии бо номи “Корд” аллакай тамоми институтҳои шаҳрвандӣ, роҳбарони мактабҳои миёна, Раёсати вазорати маориф ва падару модарон ин амали номатлубро дарк намуда, ҳангоми ошкор кардани чунин ҳолат ба мо хабар медиҳанд. Ҳамчунин айни замон мо тамоми институтҳои шаҳрвандиро якҷоя сафарбар намудем, то ин амали хатарзо пурра пешгирӣ карда шавад”, - гуфт Назарзода.

Бояд гуфт, ки мувофиқи моддаи 90-и Кодекси ҳуқуқвайронкунии маъмурии Ҷумҳурии Тоҷикистон, падару модарон, омӯзгорон ва дигар нафароне, ки дар таълиму тарбияи наврасон вазифадоранд, дар ҳолати иҷро накардани ваколатҳояшон ба онҳо огоҳӣ ё ба андозаи аз се то панҷ нишондиҳанда барои ҳисобҳо ҷарима пешбинӣ шудааст. Наврасоне, ки бо корд ва дигар ашёҳои ба сифати “силоҳи сард”-ро бо худ доранд, ҳангоми рейдҳои махсус аз тарафи милитсия дастгир карда мешаванд, бо моддаи мазкур нисбаташон чораҳои дахлдор пешбинӣ мешавад.

Комилова Мавҷуда, ҷомеашиноси тоҷик мегӯяд, чунин ҳолат дар даврони шӯравӣ низ арзи ҳастӣ дошт: “Дар даврони шӯравӣ низ ҳолатҳои кордбадастӣ дида мешуд, лекин хеле кам ва чашмнорас буд. Чунки мардум он вақт бекор набуданд. Дар даврони шӯравӣ агар медиданд, ки бекор дар кӯчаҳо гаштугузор дорӣ, ҷарима мекарданд. Аз ин рӯ, яке аз сабабҳои ин мушкилӣ маҳз аз бекории ҷавонон аст. Чӣ қадар ҷавонон бекор бошанд, ҳамон қадар ин мушкилӣ зиёдтар ба чашм мерасад”. Барои аз байн бурдани чунин ҳолатҳои хатарзо роҳҳои ҳал низ вуҷуд дорад!

- Дар ҷомеаи мо баъзе ҷавононе ҳастанд, ки дар худ як қувваи табиии идора карданро доранд, аммо баъзеи дигарашон мехоҳанд, бо зӯрӣ, қисме аз ҳамсолони худ ва дигар нафаронро идора намуда, бадин васила худро дар пеши дигарон қаҳрамон нишон диҳанд. Толорҳои варзишӣ низ метавонад, ин амалро аз байн барад, ба шарте, ки дар он толорҳо тамринҳо дуруст ба роҳ монда шаванд. Бо ин ҳама низ ин толорҳо пулакӣ ҳастанду баъзеи дигарашон наметавонанд, ба тамрини бадан машғул шаванд,- илова намуд ҷомеашинос.

Ба гуфтаи кормандони милитсия дар натиҷаи ба роҳ мондани амалиёти шартии “Корд” дар ҳудуди шаҳри Душанбе садди роҳи чандин ҷоноятҳо гирифта шудааст ва аз оғози соли 2020 то имрӯз дар пойтахт ягон ҳодисаву ҷоният тавассути корд ба амал наомадааст. Амалиёти шартии “Корд” ҳар даҳрӯза аз ҷониби Раёсати вазорати корҳои дохилӣ гузаронида мешавад.

Аз ин рӯ, мо шаҳрвандони ин кишварро зарур аст, ки дар тарбияи ҷавонону ноболиғон саҳми арзандаи худро гузорем ва нисбати ҷавонону наврасон бетараф набошему баҳри решакан кардани чунин амалҳо бояд дар якҷоягӣ мубориза барем.

Эзоҳи худро нависед



Рамзҳо дар расм

Рӯзнома

Назарсанҷӣ

У вас нет прав на участие в данном опросе.

Тақвим

Дш Сш Чш Пш Ҷ Ш Яш
29 30 1 2 3 4 5
6 7 8 9 10 11 12
13 14 15 16 17 18 19
20 21 22 23 24 25 26
27 28 29 30 31 1 2

Декабр 2021 c.