Бо ибтикори Кумитаи кор бо занон ва оилаи назди Ҳукумати Ҷумҳурии Тоҷикистон дар Муассисаи давлатии “Боғи Ирам” даври ҷумҳуриявии озмуни “Кадбонуи беҳтарин” бо иштироки занону духтарон аз ҳамаи шаҳру ноҳияҳо ва муассисаҳои таҳсилоти олии касбии ҷумҳурӣ баргузор гадид.

Дар озмун иштирокчиён тарзи омода намудани таомҳои миллӣ, аз ҷумла зуволатунуккунӣ, угробурӣ, дастазании угро, мантупечонӣ-тушберапечонӣ, самбӯсапазӣ, хӯриштайёркунӣ (баҳорӣ), кулчақандпазӣ, нону кулчаросткунӣ, сабзирезакунӣ, қатмолпечониро ба намоиш гузоштанд.

Абдуҷаббор Раҳмонзода, Ёрдамчии Президенти Ҷумҳурии Тоҷикистон оид ба масъалаҳои иҷтимоӣ ва робита бо ҷомеа дар чорабинии мазкур, иштирок намуда, иброз дошт, ки ҳадаф аз баргузории озмун омода намудани духтарон ба ҳаёти мустақилона, маҳорати кадбонугӣ, эҳёи таъомҳои миллӣ, соҳибзавқӣ ва дастархонороӣ мебошад.

Дар фарҷоми чорабинӣ аз тарафи масъулин ба беҳтаринҳо сипоснома ва туҳфаҳои хотиравӣ супорида шуд.