9 декабр дар бинои марказии ҲХДТ ҳамоиши сиёсӣ–фарҳангии ҳизбиёни ҷавон бахшида ба 31–солагии таъсисёбии Ҳизби Халқии Демократии Тоҷикистон баргузор гардид.

Бино ба иттилои маркази таҳлил ва иттилооти Кумитаи кор бо ҷавонон ва варзиш, дар ҳамоиш Зулфиқор Гулаҳмадзода, раиси Кумитаи кор бо ҷавонон ва варзиши назди Ҳукумати Ҷумҳурии Тоҷикистон, Маликшо Неъматзода, муовини аввали Раиси ҲХДТ, роҳбарони сохторҳои ҳизбӣ, фаъолони ҷамъиятӣ ва садҳо ҷавонони фаъол иштирок намуданд.

Зимни ҳамоиш дар бораи нақш ва ҷойгоҳи ҲХДТ дар таҳкиму таъмини ваҳдати миллӣ, суботи сиёсӣ ва пешбурди сиёсати давлатии ҷавонон суханрониҳо сурат гирифт.

Таъкид шуд, ки Ҳизби Халқии Демократии Тоҷикистон дар тули 31 соли фаъолияташ ҳамчун неруи созанда, муттаҳидкунанда ва пешбарандаи ҷомеа баромад намуда, дар рушди устувори мамлакат, болоравии сатҳи некуаҳволии мардум ва татбиқи барномаҳои стратегии давлат саҳми назаррас гузоштааст. Гуфта шуд, ки ҳизбиёни ҷавон имрӯз неруи таъсиргузори сиёсӣ буда, дар равандҳои сиёсӣ, иқтисодӣ ва иҷтимоии кишвар мавқеи устувор доранд ва ба таҳкими давлатдории миллӣ содиқона хизмат менамоянд.

Барномаи фарҳангии ҳамоиш, ки аз ҷониби ҷавонони ҳунарманду эҷодкор иҷро гардид, ба чорабинӣ ранги идонаи хос бахшид.

Дар анҷоми чорабинӣ кормандони дастгоҳи марказии Кумитаи аъзоёни ТҶ “Пайравони Пешвои миллат” ва қатор фаъолони ҷавони ҳизбӣ барои иштироки фаъолона дар ҳаёти сиёсиву ҷамъиятии кишвар ва саҳмгузорӣ дар рушди ташаббусҳои ҳизбӣ бо сипоснома, шаҳодатнома ва туҳфаҳои хотиравӣ қадрдонӣ гардиданд.

“ҶТ”