Мурод Хол, сардори Саридораи геология зимни нишасти матбуотӣ иброз дошт, ки саридора дар соли 2016 аз ҳисоби буҷети давлатӣ аз рӯи 37 лоиҳаро бо маблағи 13 000 000 сомонӣ, корҳои шартномавиро аз рӯи 144 лоиҳа бо маблағи 12 352 420 сомонӣ ва корҳои пудратиро бо маблағи 441 557 сомонӣ иҷро намудааст, ки нисбат ба ҳамин давраи соли гузашта 5 фоиз зиёд мебошад.

Саридораи геология дар як сол ба буҷа 7 400 000 сомонӣ андоз супоридааст, ки 62 фоизи маблағҳои аз буҷаи давлатӣ барои корҳои иктишофӣ ҷудошударо ташкил медиҳад.

Мурод Хол аз зиёд гардидани шумораи кормандон ва музди маоши онҳо изҳори қаноатмандӣ намуда, таъкид дошт, ки музди миёнаи меҳнат дар Саридораи геология ба 966 сомонӣ баробар шуда, шумораи кормандони он бошад, ба 866 нафар расидааст.

Дар соли 2016 бо 64 ширкат барои муайян намудани бонуси обунавӣ ва бонуси кашфи тиҷоратӣ бо маблағи 97 949 196 сомонӣ қарордод баста шуд.