ҶОМЕА
Шанбе 20 Апрел 2024 12:21
МУАЛЛИФ: БЕҲРӮЗ ХОЛМУРОДОВ
Бо ташаббуси Академияи ВАО-и Тоҷикистон дар мавзӯи “Инъикоси мавзӯи истифодаи захираҳои об ва масоили тарғиби он дар ВАО” мизи мудаввар доир гардид.
Дар чорабинӣ мутахассисон аз Институти масоили об, гидроэнергетика ва экологияи Академияи илмҳои ҷумҳурӣ ва Академияи кишоварзӣ доир ба паҳлуҳои гуногуни масоили вобаста ба об суханронӣ намуданд
Зинатулло Исмоилзода, директори Академияи ВАО-и Тоҷикистон, ҳангоми ифтитоҳи чорабинӣ иброз дошт, ки бо иқдоми Пешвои миллат, Президенти ҷумҳурӣ Эмомалӣ Раҳмон, ташаббуси чоруми Ҷумҳурии Тоҷикистон дар масъалаи об – эълон намудони Даҳсолаи байналмилалии амал “Об барои рушди устувор, 2018-2028” аз тарафи СММ дастгирӣ ёфт. Эълон гардидани Даҳсолаи амал “Об барои рушди устувор” фақат як иқдом набуда, балки фаротар аз он аст. Зеро он мавзӯи байналмилалист. Мавзӯест, ки хусусан намояндагони ВАО ҳар рӯз дар тӯли даҳсолаи оянда ба он рӯ ба рӯ мешаванд.
Ба гуфти масъулин ҳадафи баргузории чорабинӣ татбиқи барномаи байналмиллалии даҳсолаи амал “Об барои рушди устувор” буда, инъикоси ҳадафмандонаи он дар радио, телевизион ва нашрияҳои кишвар мебошад.
Ҳасан Асоев, коршиноси масоили экологӣ, дар маърӯзаи хеш зикр намуд, ки воқеияти тамаддуни инсоният ҳоло собит менамояд, имрӯз проблемаҳои экологӣ ба доғтарин масъалаи ҷомеаи умумибашарӣ мубаддал гаштааст. Аз тадқиқоти илмӣ бармеояд, ки ҳоло 1,6 млрд. аҳолии ҷаҳон ба оби нӯшокӣ дастрасии маҳдуд дошта, тақрибан 2,6 млрд. нафар дар ҳолати бади санитарӣ зиндагӣ мекунанд. Инчунин коршиносони байналмилалӣ иброз медоранд, ки 50% - и аҳолии кишварҳои рӯ ба тараққӣ обро аз манбаъҳои ифлос мегиранд. Вобаста ба мавқеи географӣ 80 мамлакати дунё аз нарасидани об мушкилӣ мекашанд. Инчунин ҳар ҳафта 42 кӯдак аз ҳисоби истеъмоли обҳои ифлос вафот мекунанд. Аз ин нишондодҳо чунин бармеояд, ки ҳоло таъмин намудани аҳолӣ бо оби нӯшокӣ ба яке аз масъалаи умумибашарӣ мубаддал гаштааст.
Дар конфронс хабарнигорон доир ба инъикоси ҷанбаҳои мухталифи вобаста ба об маълумот пайдо карда, ба саволҳои худ посухҳои мушаххас гирифтанд.
Бо ташаббуси Академияи ВАО-и Тоҷикистон дар мавзӯи “Инъикоси мавзӯи истифодаи захираҳои об ва масоили тарғиби он дар ВАО” мизи мудаввар доир гардид.
Дар чорабинӣ мутахассисон аз Институти масоили об, гидроэнергетика ва экологияи Академияи илмҳои ҷумҳурӣ ва Академияи кишоварзӣ доир ба паҳлуҳои гуногуни масоили вобаста ба об суханронӣ намуданд
Зинатулло Исмоилзода, директори Академияи ВАО-и Тоҷикистон, ҳангоми ифтитоҳи чорабинӣ иброз дошт, ки бо иқдоми Пешвои миллат, Президенти ҷумҳурӣ Эмомалӣ Раҳмон, ташаббуси чоруми Ҷумҳурии Тоҷикистон дар масъалаи об – эълон намудони Даҳсолаи байналмилалии амал “Об барои рушди устувор, 2018-2028” аз тарафи СММ дастгирӣ ёфт. Эълон гардидани Даҳсолаи амал “Об барои рушди устувор” фақат як иқдом набуда, балки фаротар аз он аст. Зеро он мавзӯи байналмилалист. Мавзӯест, ки хусусан намояндагони ВАО ҳар рӯз дар тӯли даҳсолаи оянда ба он рӯ ба рӯ мешаванд.
Ба гуфти масъулин ҳадафи баргузории чорабинӣ татбиқи барномаи байналмиллалии даҳсолаи амал “Об барои рушди устувор” буда, инъикоси ҳадафмандонаи он дар радио, телевизион ва нашрияҳои кишвар мебошад.
Ҳасан Асоев, коршиноси масоили экологӣ, дар маърӯзаи хеш зикр намуд, ки воқеияти тамаддуни инсоният ҳоло собит менамояд, имрӯз проблемаҳои экологӣ ба доғтарин масъалаи ҷомеаи умумибашарӣ мубаддал гаштааст. Аз тадқиқоти илмӣ бармеояд, ки ҳоло 1,6 млрд. аҳолии ҷаҳон ба оби нӯшокӣ дастрасии маҳдуд дошта, тақрибан 2,6 млрд. нафар дар ҳолати бади санитарӣ зиндагӣ мекунанд. Инчунин коршиносони байналмилалӣ иброз медоранд, ки 50% - и аҳолии кишварҳои рӯ ба тараққӣ обро аз манбаъҳои ифлос мегиранд. Вобаста ба мавқеи географӣ 80 мамлакати дунё аз нарасидани об мушкилӣ мекашанд. Инчунин ҳар ҳафта 42 кӯдак аз ҳисоби истеъмоли обҳои ифлос вафот мекунанд. Аз ин нишондодҳо чунин бармеояд, ки ҳоло таъмин намудани аҳолӣ бо оби нӯшокӣ ба яке аз масъалаи умумибашарӣ мубаддал гаштааст.
Дар конфронс хабарнигорон доир ба инъикоси ҷанбаҳои мухталифи вобаста ба об маълумот пайдо карда, ба саволҳои худ посухҳои мушаххас гирифтанд.
Хабарҳои дигар
Рӯзнома
Эзоҳи худро нависед