ҶОМЕА
Душанбе 16 Сентябр 2019 11:19
2493
Ба муносибати Рӯзи Артиши миллии кишвар дар қисми низомии 04080 воқеъ дар шаҳри Конибодом ҷамъомади бошукуҳи идона баргузор гардид. Дар он раиси шаҳр Ғайбулло Боҳирӣ, сарбозону афсарони қисмҳои низомӣ, ҳайати шахсии Комиссариати ҳарбӣ, роҳбарони сохторҳои ҳифзи ҳуқуқ, собиқадорони ҷангу меҳнат, ҷанговарони башардӯст, иштирокдорони барқароркунии сохти конститутсионӣ, садамаи Чернобил, намояндагони ташкилоту муассисаҳои шаҳр ва ҷавонони фаъол иштирок намуданд.

Пас аз садо додани Суруди миллӣ шаҳрдор Ғ. Боҳирӣ ҳозирин ва дар симои онҳо кулли сокинони шаҳр, хоса ҳомиёни Ватанро шодбош гуфт. Ӯ аз ҷумла, қайд намуд, ки артиш барои ҳар ҷавонмард мактаби ҷасорату матонат, дӯстиву рафоқат ва худшиносиву меҳанпарастӣ мебошад. “Мо бояд ба он муваффақ шавем, ки барои ҳар як фарди ҷомеа, алалхусус, ҷавонон арзишҳои олӣ – ҳифзи Ватан, ҳимояи манфиатҳои давлату миллат, марзу буми он ва якпорчагии сарзамин, оромиву осудагии ҷомеа аз ҳама арзишҳои дигар муқаддастар ба ҳисоб раванд. Барои расидан ба ин ҳадафу ормонҳо тамоми ҷомеа масъулияти баробар дошта, танҳо тавассути ҳамкориву ҳамдигарфаҳмӣ ба мақсад ноил гардидан имконпазир аст”, - гуфт раиси шаҳр.

Чанде аз фаъолон, кормандони Комиссариати ҳарбии шаҳр ба муносибати ҷашни 24-умин солгарди таъсисёбии Қувваҳои Мусаллаҳ барои хизматҳои арзандаашон бо медалҳои ҷашнӣ, сипосномаву ифтихорнома ва туҳфаҳо қадрдонӣ гардиданд.

Баъдан аз тарафи сарбозону афсарони шуҷои қисми низомӣ машқҳои гуногуни ҳарбӣ иҷро карда шуд. Барои иштирокдорон аз ҷониби санъаткорони бахши фарҳанг барномаи рангини консертӣ пешкаш гардида, аз тарафи сарбозон саҳначаи ҷолиб ба намоиш гузошта шуд. Сипас барои сарбозону афсарони қисми низомӣ дастурхони идона ороста шуд.

Мақомоти иҷроияи ҳокимияти давлатии шаҳри Конибодом ҳамчунин ба аёдату дидорбинии собиқадорони артиш ва барҷомондагон рафта, ба онҳо кӯмакҳои моддӣ расонид.

Эзоҳи худро нависед



Рамзҳо дар расм

Рӯзнома

Назарсанҷӣ

  1. Ба фикри Шумо “Соли ҷавонон” чӣ гуна сипарӣ шудаистодааст?

Тақвим

Дш Сш Чш Пш Ҷ Ш Яш
26 27 28 29 30 1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31 1 2 3 4 5 6

Октябр 2016 c.