ҶОМЕА
Шанбе 27 Феврал 2021 04:49
3885
Номаи табрикии раиси Кумитаи кор бо ҷавонон ва варзиши назди Ҳукумати ҷумҳурӣ Аҳтам Абдуллозода ба муносибати Рӯзи Артиши миллӣ

23 феврали соли ҷорӣ аз таъсиси Артиши миллии мо, ки сипари боэътимоди давлат, таҳкимбахши Истиқлолияти миллӣ, муҳофизи ваҳдати сартосарии мардум, ҳимоятгари марзу буми кишвар, таъмингари ҳуқуқу озидиҳои шаҳрвандон, кафили амнияту суботи Ватан ва аз ин рӯ, мояи ифтихори кулли мардуми кишвар аст, 25 сол сипарӣ мешавад. Бинобар ин, кулли ҳайати шахсии Қувваҳои Мусаллаҳи Ҷумҳурии Тоҷикистонро ба ин муносибат самимона табрик мегӯям.

Артиши миллии Тоҷикистон яке аз дастовардҳои муҳимтарини даврони Истиқлолияти давлатӣ мебошад. Он дар даврони ҳастии худ борҳо собит намудааст, ки вазифаҳои муқаддасу пуршарафи дар наздаш гузошташударо, ки, пеш аз ҳама, ҳифзи амнияту оромии давлат ва ҷомеа, пойдории аркони давлатдорӣ ва таъмини зиндагии осоиштаи мардуми шарифи кишвар мебошад, сарбаландона иҷро мекунад.
Собит аст, ки дар тӯли солҳои соҳибистиқлолӣ ба шарофати хизмати содиқонаи хизматчиёни ҳарбии сохторҳои низомӣ тамоми чорабиниҳои муҳимтарини сиёсӣ дар фазои суботу амният ва орому осуда баргузор мешуданд.

Қувваҳои Мусаллаҳи мо, ки дар як замони ниҳоят мураккабу печидаи сиёсӣ ташкил гардидааст, ҳанӯз аз рӯзҳои нахустини таъсис аз як имтиҳони ниҳоят ҷиддӣ гузашт ва марҳила ба марҳила ба як нерӯи тавоно ва қудратманд, яъне, сипари боэътимоди давлату миллат табдил ёфт.

Чунки агар аз як тараф ин муваффақият тавассути ҳисси баланди ватандӯстиву худшиносии ҳайати шахсии Артиши миллӣ насиб гашта бошад, аз ҷониби дигар Ҳукумати мамлакат бо вуҷуди мушкилоти зиёди иқтисодиву молиявӣ ва печидагиҳои вазъи сиёсии замон, ҳанӯз аз марҳалаҳои аввали таъсисёбӣ барои ташаккул ва ба як нерӯи муқтадир табдил ёфтани Қувваҳои Мусаллаҳ ҳамеша талош менамуд.
Хушбахтона, имрӯз бо дарназардошти вазъи ноороми минтақа ва ҷаҳон Артиши миллии мо фаъолияти худро дар самти мубориза бар зидди ҷинояткорӣ, хусусан, ҷиноятҳои муташаккили фаромиллӣ, таъмини суботу амният, волоияти қонун ва тартиботи ҳуқуқӣ ва дар маҷмуъ таҳкими иқтидори мудофиавии мамлакат тақвият бахшида, ҳар як корманди ин сохтору мақомот вазифаҳои хизматиашонро бо масъулияти баланд ва содиқона ба анҷом мерасонанд.

Ҳамзамон, бо дастгирии бевоситаи Пешвои муаззами миллат, Сарфармондеҳи Олии Қувваҳои мусаллаҳи кишвар, муҳтарам Эмомалӣ Раҳмон дар Артиши миллӣ ба масъалаҳои баланд бардоштани сатҳи касбӣ, омодабошии ҷангӣ ва обутоби ҷисмониву маънавӣ таваҷҷуҳи доимӣ зоҳир мегардад.

Афсарону сарбозони шуҷои мо ҳамеша дарк менамоянд, ки дар иҷрои вазифаҳои хизматиашон бояд ҳамеша ҳушёру зирак бошанд ва ҳаргиз фаромӯш намекунанд, ки фазои орому осудаи имрӯзаи Тоҷикистони соҳибистиқлол бар ивази ҷони садҳо нафар ҷавонмардони бонангу номуси миллат ба даст омадааст. Хизматчиёни ҳарбии мо ин масъулияти бузургро бо ҷону дил дарк кардаанд ва бовар дорем, ки ҳаргиз фаромӯш нахоҳанд кард.

Тавре Пешвои муаззами миллат, муҳтарам Эмомалӣ Раҳмон таъкид мекунанд, “Адои хизмат дар сафҳои Артиши миллӣ на танҳо қарзи муқаддаси фарзандӣ, балки мояи ифтихор ва шарафи бузург буда, хизмати ҳарбӣ ба ҳар як ҷавонмард ҳамчун мактаби ҷасорату матонат, дӯстиву рафоқат ва худогоҳиву меҳанпарастӣ хизмат мекунад.

Ҳар низомие, ки худро фарзанди Тоҷикистони озоду соҳибихтиёр медонад, набояд лаҳзае ин вазифаи бузург ва қарзи муқаддаси хешро фаромӯш созад”.

Бовар дорем, ки хизматчиёни ҳарбии мо бо интизоми намунавӣ, руҳияи баланди ватандӯстиву садоқат ба савганди ҳарбӣ ҳимояи Ватани азизамон ва марзу буми муқаддаси онро минбаъд низ сарбаландона таъмин хоҳанд кард.

Дар анҷоми номаи табрикиам мехостам, бори дигар шумо – ҳамаи родмардони миллат ва муҳофизони сулҳу ваҳдатро ба ифтихори 25-солагии Рӯзи таъсиси Қувваҳои Мусаллаҳ сидқан табрик гуфта, ба ҳар яки шумо дар адои хизмати софдилонаву садоқатмандона ба Ватан-Модар, пеш аз ҳама, тандурустиву саодатмандӣ, сарбаландӣ ва иродаи қавию нерӯи даҳчанд таманно намоям. Сарбаланд бошед, муҳофизони шуҷои Ватан!

Эзоҳи худро нависед



Рамзҳо дар расм

Рӯзнома

Назарсанҷӣ

У вас нет прав на участие в данном опросе.

Тақвим

Дш Сш Чш Пш Ҷ Ш Яш
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28

Феврал 2021 c.