Дар ноҳияи Фархор бо ҷавонони фаъоли ноҳия ҷиҳати баланд бардошти фарҳанги муошират вохӯрӣ баргузор гардид.
 
Вохӯрии мазкур бо ташаббуси ТҶҶ “Созандагони Ватан” ва Бахши кор бо ҷавонон ва варзиши ноҳия доир шуда, дар он масъулин ба ҷавонон вобаста ба муоширати хуб доштан дар ҷомеа ибрози назар намуданд.

Баромадкунандагон иброз доштанд, ки одоби муошират дар ҳаёти инсон вазифаҳои муайянро иҷро карда, инчунин як қисмати муҳими илми ахлоқ мебошад. Вале агар одоб дар маҷмӯъ аз як тараф ҳама шаклҳои одобу ахлоқро ифода кунад, аз тарафи дигар шакли нишон додан ё тарзу равиши тарбияи одоби инсонро дар бар мегирад.