Дар ноҳияи Айнии вилояти Суғд аввалин Чемпионати ҷаҳон оид ба варзиши сайёҳии куҳнавардӣ ташкил ва баргузор шуда истодааст.

Дар ин бора Бахши кор бо ҷавонон ва варзиши ноҳияи мазкур иттилоъ дод.

Мувофиқи маълумоти номбурда мусобиқаи мазкур бо дастгирии Кумитаи кор бо ҷавонон ва варзиши кишвар ва Мақомоти иҷроияи ҳокимияти давлатии ноҳияи Айнӣ аз санаи 19-ум то 25-уми август дар кӯҳҳои Фони ин ноҳия баргузор шуда, дар он дастаҳои мунтахаби Тоҷикистон, Русия, Қазоқистон, Қирғизистон, Узбекистон, Эрон, Ҳиндустон ва Покистон иштирок мекунанд.