ҶОМЕА
Панҷшанбе 02 Май 2024 03:09
норозигии сокинон аз фаъолияти квд хоҷагии манзилию коммуналӣ
Бо фаро расидани фасли гармо дар назди биноҳои истиқоматӣ одамон ба бӯи ғализи партов дучор мегарданд, ки авзои онҳоро ноҷур созад. Ин мушкилӣ тақрибан ҳамасола дар назди биноҳои баландошёнаи 9 ё 12 қабата ба назар мерасад. Мушкил дар набудану интиқоли партов нест. Балки мушкили асосӣ дар он аст, ки вақте партовҳоро пеш аз интиқол додан бо мошини махсус “пресс” мекунанд, оби аз он хориҷшуда бо ҳамон бӯи ғализаш дар роҳравҳои бино ҷорӣ мешавад. Мушоҳидаҳо низ бозгӯи онанд, ки аз ин ҳол ходимони хадамоти хизматрасониҳои коммуналиро парвое нест. Аммо баъди рафтани мошини партовкаш истиқоматкунандагони бино ифлосиҳоро шуста тоза мекунанд, ки аз рӯи инсоф нест. Ҳамчунин аз бӯи бади он сокинон наметавонанд тирезаҳои манзили худро боз кунанд ё дар назди бино сайру гашт намоянд. Дар фасли гармо бошад тақрибан ҳар рӯз партов аз назди бино бурда мешавад ва бӯи ғализу ҳашаротҳои болои он ҷамъшуда, инсонро дар ҳолати ногувор мемонад ва боқимонда ҳолатро худ тасаввур намоед. Аз бӯи бад истиқоматкунандагони биноҳои 4 ошёна низ ҳамеша нигарон буда, димоғи худро дошта аз назди бинои баландошёна мегузаранд.
Мавсума, як сокини кӯчаи Неъмат Қарабоев, бинои 13 доир ба мушкилоти ҷойдошта чунин ибрози андеша намуд: “Бо фаро расидани гармиҳо мо сокинон ба мушкилии бӯи бад дучор мешавем. Тасаввур кунед, ҳоло гармиҳо дар пеш аст ва баъди ба фурӯш баровардани меваҳои тару тоза якбора партови назди бинои мо аз об пур мешавад ва баъди “пресс” шудани партоб бо мошин оби зиёде рӯи замин ҷорӣ мешавад. Баъд аз гирифтани партовҳо обҳои ифлосу пасмонданҳои онро сокинон тоза мекунанд, вале бояд гуфт, ки ин ба уҳдаи онҳо нест. Баъзан сокинон аз нафароне, ки партов мебаранд хоҳиш мекунанд, ки ҳаддалимкон рӯи ҳамон ғализиҳо маҳлули хлор пошанд. Танҳо дар ҳолатҳои истисноӣ хокаро мепошанду халос. Шояд ин вазифа ба салоҳияти ронанда ва партовғундорҳо набошад, вале вазифаи асосии коргоҳи онҳост”.
Масъули Раёсати сохтмон ва хизмати коммуналии дастгоҳи раиси шаҳри Душанбе, низ дар суҳбат иброз намуд, ки масъулон вазифадоранд, ки пас аз ҷамъоварии партовҳо аз назди биноҳои истиқоматӣ ҷойҳои партовҳоро маҳлули хлор пошанд ва шуста тоза кунанд.
Истиқоматкунандаи дигари бино илова мекунад: “Мо истиқоматкунандаи ҳамин биноем ва тоза кардани атрофи бино ва шӯстани он мушкиле нест. Вале баъди покиза кардани он низ бӯи бад ва ҳашаротҳои гуногун моро нороҳат мекунанд.
Барои ин мушкилиро ҳал кардан масъулон чуқурие махсусе кананд, то шираи партов мустақиман ба он равон гардаду симои биноро низ коста нагардонад”.
Шералӣ Сафаров, директори Корхонаи воҳиди давлатии “Хоҷагии манзилию коммуналӣ”-и ноҳияи Фирдавсӣ низ ин ҳолатро тасдиқ карда, мегӯяд, ки дар ҳақиқат баъди “пресс” намудани партов бо автомашина шира ҷорӣ мешавад, аммо дар кӯҳтотарин муҳлат ин масъала ҳалли худро пайдо мекунад. “Барои паси сар намудани мушкилот ба Ҳукумати шаҳр мактуб ирсол намудем. Бояд барои мо автомашинаи герметикӣ, ки на овоз дорад ва дар вақти “пресс” кардани партов шираи он ҷорӣ намешавад, ҷудо намоянд. Ин мошинаҳо резинаи махсус дорад, ки обро дар он нигоҳ медорад”
Ҳамчунин, мушкилии мазкурро дар кӯчаи Саъди Шеърозӣ 74-и ноҳияи Сино низ дидан мумкин аст. Яъне баъди бурдани партов ва ҷори шудани шираи он дар ин манзил бештари вақт на сокинони бинои баландошиёна, балки бинои панҷошиёнаи паҳлӯи онҳо бештар аз бӯи баду ғализ нороҳат мешаванд. Тибқи мушоҳида шираи партов ба самти бинои панҷошиёна ҷорӣ мешавад, ки ҳафтаҳо сокинон аз бӯи бад ва ҳашаротҳо гила мекунанд. Агар дар бинои ноҳияи Фирдавсӣ ҷо дошта сокинон гирду атрофро тоза кунанд, дар бинои мазкур (74-и ноҳияи Сино) ин амал низ ба чашм намерасад.
Бояд қайд кард, ки истиқоматкунандагони биноҳои мазкур низ баъзан ба тозагӣ риоя накарда, ба шахтаҳои партов обу дигар партовҳои моеии худро мепартоянд, ки дар ба вуҷудоии мушкили мазкур сабаб мешавад.
Нашрияи “Ҷавонони Тоҷикистон” аз масъулини Корхонаи воҳиди давлатии “Хоҷагии манзилию коммуналӣ”-и шаҳри Душанбе хоҳиш мекунад, ки барои рафъи мушкилиҳои ҷойдошта дар ин самт чораҳои зарурӣ андешад. Рӯзнома омодааст, барои онҳое, ки ба муоширати бад рӯ ба рӯ мешаванд ё аз фаъолияти кормандони КВД “Хоҷагии манзилию коммуналӣ” норозианд минбар диҳад, то онҳо тавонанд фикру ақидаи худро озодона баён намоянд.
Манзумаи ФИРӮЗ, рӯзноманигор
Бо фаро расидани фасли гармо дар назди биноҳои истиқоматӣ одамон ба бӯи ғализи партов дучор мегарданд, ки авзои онҳоро ноҷур созад. Ин мушкилӣ тақрибан ҳамасола дар назди биноҳои баландошёнаи 9 ё 12 қабата ба назар мерасад. Мушкил дар набудану интиқоли партов нест. Балки мушкили асосӣ дар он аст, ки вақте партовҳоро пеш аз интиқол додан бо мошини махсус “пресс” мекунанд, оби аз он хориҷшуда бо ҳамон бӯи ғализаш дар роҳравҳои бино ҷорӣ мешавад. Мушоҳидаҳо низ бозгӯи онанд, ки аз ин ҳол ходимони хадамоти хизматрасониҳои коммуналиро парвое нест. Аммо баъди рафтани мошини партовкаш истиқоматкунандагони бино ифлосиҳоро шуста тоза мекунанд, ки аз рӯи инсоф нест. Ҳамчунин аз бӯи бади он сокинон наметавонанд тирезаҳои манзили худро боз кунанд ё дар назди бино сайру гашт намоянд. Дар фасли гармо бошад тақрибан ҳар рӯз партов аз назди бино бурда мешавад ва бӯи ғализу ҳашаротҳои болои он ҷамъшуда, инсонро дар ҳолати ногувор мемонад ва боқимонда ҳолатро худ тасаввур намоед. Аз бӯи бад истиқоматкунандагони биноҳои 4 ошёна низ ҳамеша нигарон буда, димоғи худро дошта аз назди бинои баландошёна мегузаранд.
Мавсума, як сокини кӯчаи Неъмат Қарабоев, бинои 13 доир ба мушкилоти ҷойдошта чунин ибрози андеша намуд: “Бо фаро расидани гармиҳо мо сокинон ба мушкилии бӯи бад дучор мешавем. Тасаввур кунед, ҳоло гармиҳо дар пеш аст ва баъди ба фурӯш баровардани меваҳои тару тоза якбора партови назди бинои мо аз об пур мешавад ва баъди “пресс” шудани партоб бо мошин оби зиёде рӯи замин ҷорӣ мешавад. Баъд аз гирифтани партовҳо обҳои ифлосу пасмонданҳои онро сокинон тоза мекунанд, вале бояд гуфт, ки ин ба уҳдаи онҳо нест. Баъзан сокинон аз нафароне, ки партов мебаранд хоҳиш мекунанд, ки ҳаддалимкон рӯи ҳамон ғализиҳо маҳлули хлор пошанд. Танҳо дар ҳолатҳои истисноӣ хокаро мепошанду халос. Шояд ин вазифа ба салоҳияти ронанда ва партовғундорҳо набошад, вале вазифаи асосии коргоҳи онҳост”.
Масъули Раёсати сохтмон ва хизмати коммуналии дастгоҳи раиси шаҳри Душанбе, низ дар суҳбат иброз намуд, ки масъулон вазифадоранд, ки пас аз ҷамъоварии партовҳо аз назди биноҳои истиқоматӣ ҷойҳои партовҳоро маҳлули хлор пошанд ва шуста тоза кунанд.
Истиқоматкунандаи дигари бино илова мекунад: “Мо истиқоматкунандаи ҳамин биноем ва тоза кардани атрофи бино ва шӯстани он мушкиле нест. Вале баъди покиза кардани он низ бӯи бад ва ҳашаротҳои гуногун моро нороҳат мекунанд.
Барои ин мушкилиро ҳал кардан масъулон чуқурие махсусе кананд, то шираи партов мустақиман ба он равон гардаду симои биноро низ коста нагардонад”.
Шералӣ Сафаров, директори Корхонаи воҳиди давлатии “Хоҷагии манзилию коммуналӣ”-и ноҳияи Фирдавсӣ низ ин ҳолатро тасдиқ карда, мегӯяд, ки дар ҳақиқат баъди “пресс” намудани партов бо автомашина шира ҷорӣ мешавад, аммо дар кӯҳтотарин муҳлат ин масъала ҳалли худро пайдо мекунад. “Барои паси сар намудани мушкилот ба Ҳукумати шаҳр мактуб ирсол намудем. Бояд барои мо автомашинаи герметикӣ, ки на овоз дорад ва дар вақти “пресс” кардани партов шираи он ҷорӣ намешавад, ҷудо намоянд. Ин мошинаҳо резинаи махсус дорад, ки обро дар он нигоҳ медорад”
Ҳамчунин, мушкилии мазкурро дар кӯчаи Саъди Шеърозӣ 74-и ноҳияи Сино низ дидан мумкин аст. Яъне баъди бурдани партов ва ҷори шудани шираи он дар ин манзил бештари вақт на сокинони бинои баландошиёна, балки бинои панҷошиёнаи паҳлӯи онҳо бештар аз бӯи баду ғализ нороҳат мешаванд. Тибқи мушоҳида шираи партов ба самти бинои панҷошиёна ҷорӣ мешавад, ки ҳафтаҳо сокинон аз бӯи бад ва ҳашаротҳо гила мекунанд. Агар дар бинои ноҳияи Фирдавсӣ ҷо дошта сокинон гирду атрофро тоза кунанд, дар бинои мазкур (74-и ноҳияи Сино) ин амал низ ба чашм намерасад.
Бояд қайд кард, ки истиқоматкунандагони биноҳои мазкур низ баъзан ба тозагӣ риоя накарда, ба шахтаҳои партов обу дигар партовҳои моеии худро мепартоянд, ки дар ба вуҷудоии мушкили мазкур сабаб мешавад.
Нашрияи “Ҷавонони Тоҷикистон” аз масъулини Корхонаи воҳиди давлатии “Хоҷагии манзилию коммуналӣ”-и шаҳри Душанбе хоҳиш мекунад, ки барои рафъи мушкилиҳои ҷойдошта дар ин самт чораҳои зарурӣ андешад. Рӯзнома омодааст, барои онҳое, ки ба муоширати бад рӯ ба рӯ мешаванд ё аз фаъолияти кормандони КВД “Хоҷагии манзилию коммуналӣ” норозианд минбар диҳад, то онҳо тавонанд фикру ақидаи худро озодона баён намоянд.
Манзумаи ФИРӮЗ, рӯзноманигор
Хабарҳои дигар
Рӯзнома
Эзоҳи худро нависед