Аз ҳисоби умумии ҳуқуқвайронуниҳои бақайдгирифташуда, 35 ҳолат ба ошкори ҷиноят ва оғози парвандаҳои ҷиноятӣ мансуб буда, аз парвандаҳои оғозгардида 24 ҳолатро қочоқи молу воситаҳои нақлиёт ва 11 ҳолатро дигар ҷиноятҳои ба соҳаи фаъолияти гумрук дахлдошта ташкил медиҳанд. 

Ин нуктаро имрӯз, 1 август сардори Хадамоти гумруки назди Ҳукумати Ҷумҳурии Тоҷикистон Каримзода Хуршед Абдураҳмон зимни нишасти матбуотӣ зикр намуда, иброз дошт, ки парвандаҳои ҳуқуқвайронунии маъмурӣ 1882 ададро ташкил карда, аз ин ҳисоб 1674 парванда баррасӣ карда шуда, 208 парванда дар марҳилаи баррасӣ қарор дорад. Аз ҳисоби умумии парвандаҳои ҳуқуқвайронунии маъмурии баррасишуда 722 адад парвандаҳо аз рӯи тобеият дар мақомоти судӣ баррасӣ гардидаанд. 

Таъкид гардид, ки дар ин давра 1683 шахсони воқеӣ ва ҳуқуқӣ ба ҷавобгарии маъмурӣ кашида шудаанд, ки аз шахсони воқеӣ 100 нафар занон ва 1409 нафарро мардҳо ташкил медиҳанд.

Акобир ШАРИПОВ, “ҶТ”