Мекунам равшан зи рӯят чашми чори хешро,
Пайки шодӣ дода калби интизори хешро.

Ҳамчу Наврӯзи баҳорон тозаэҷод омадӣ,
Файзборон кардай хоки диёри хешро.

Қиммати Сосонию Сомониён бардоштӣ,
Дар ҷаҳон боло намудӣ эътибори хешро.

Дар саховат баъди Ҳотам дарси ибрат медиҳӣ,
Чун Анушервон зи адлат рӯзгори хешро.

Соли Оби Тоза гашта ибрати аҳли башар,
Шуҳрати дунё намудӣ обшори хешро.

Донаи миллат дар оғӯшат чу санги осиё,
Додаӣ бар халқи худ сабру қарори хешро.

Тӯҳфаи Ҳақ будааст Эмомалӣ бар миллаташ,
Нури Раҳмонӣ ҳамебахшад диёри хешро.

Ҷумла арвоҳи бузургон хезад аз хоки Ватан,
Хайру макдам то бигӯяд посдори хешро.

Мурғи илҳоми Ҳилола ҳар замон гӯяд ба шавқ:
Васф бинмо сарвари бонангу ори хешро!

ҲИЛОЛА