Эй Пешво, эй Пешво,
Эй офтоби рӯзгор.
Ҳастӣ қасам бар ҷону дил,
Баҳри ятимон ғамгусор.

Садҳо ятими хастаро
Кардӣ калон дар рӯи даст.
Баъзеш бикшоданд пар
Бар ҳар тараф чун кавги маст.

Ғайр аз ятимон гашта боз
Дармондаҳоро дастгир.
Ҳар рӯзу шаб ғам мехурӣ
Бар ҳоли маъюбу фақир.

Даҳ ё ки сад марде агар
Бошанд мислат меҳрубон.
Гардад ба осонию зуд
Кишвар гулистон дар ҷаҳон.

Як худ ба ҳар болову паст
Дорӣ ба чашми дил назар.
Аз покқалбӣ ёфтӣ,
Худ баҳри миллат тоҷвар.

Ин Тоҷикистон бо ту зеб
Дорад ҳамеша, Пешво.
Беҳад раиятпарварӣ,
Эй раҳбалад, эй раҳнамо.

Нуруллоҳи ОРИФ, "ҶТ"