Дар доираи қадрдорони ҷоизадорони Бозиҳои тобистонаи олимпии Париж-2024 Абдуғаффор Ҳикматуллозода раиси ноҳияи Рӯдакӣ ба Темур Раҳимов, барандаи медали биринҷии Бозиҳои тобистонаи олимпии Париж-2024 хонаи истиқоматӣ дар маркази ноҳия ва 20 000 сомонӣ туҳфа кард.

Дар Маросими супоридани туҳфаҳои Мақомоти иҷроияи ҳокимияти давлатии ноҳияи Рӯдакӣ ба мурабии Темур Раҳимов ҷоизадори Бозиҳои олимпии Париж-2024 Суҳроб Абдураҳмонов низ маблағ ба андозаи 10 000 сомонӣ супорида шуд.

Темур баробари қадрдони шудан аз ҷониби Мақомоти иҷроияи ҳокимияти давлатии ноҳияи Рӯдакӣ инчунин аз ҷониби Президенти кишвар, раиси шаҳри Душанбе ва Кумитаи кор бо ҷавонон ва варзиши назди Ҳумумати Ҷумҳурии Тоҷикистон бо туҳфаҳои арзишманд қадрдонӣ гардида буд.

Яҳё МАҲМАДНАБИЕВ, “ҶТ”