27-уми июл дар рӯзи сеюми барномаи “Дӯст ояд гарм дар оғуш гир” дар ВМКБ иштирокчиёни он аз маркази вилоят шаҳри Хоруғ дидан намуданд.

Дар даромадгоҳи шаҳр меҳмононро мардуми саодатманди шаҳри Хоруғ бо самимият ва хурсандӣ истиқбол намуданд. Баъд аз истиқболи самимӣ иштирокчиён аз Боғи набототи Помир ба номи Анатолий Валерианович Гурский, Осорхонаи Боғи набототи Помир, инчунин Донишгоҳи байналмилалии Осиёи шаҳр дидан намуданд.

Ҳамин тавр, дар доираи сафар рӯзи 28-уми июл бошад, дар назди муҷассамаи шоҳ Исмоили Сомонӣ ҳамчун рамзи эҳтиром гулчанбар гузошта шуд. Баъд аз гузоштани гулчанбар дар толори Мақомоти иҷроияи ҳокимияти давлатии шаҳри Хоруғ ҳамоиши ҷумҳуриявӣ таҳти унвони “Нақши Пешвои миллат дар ҳифз ва таҳкими истиқлолияти давлатӣ” багузор гардид.

Дар охири ҳамоиш аз ҷониби масъулини Кумитаи кор бо ҷавонон ва варзиши назди Ҳукумати Ҷумҳурии Тоҷикистон ба МИҲД-И шаҳри Хоруғ ва дигар иштирокчиёни ҳамоиш китоби “Пири дилҷавон”-и Муассисаи давлатии рӯзномаи “Ҷавонони Тоҷикистон” тақдим карда шуд.