Ҳафтаи сипаришуда раиси вилояти Хатлон Қурбон Ҳакимзода, раиси шаҳри Бохтар Абдуалим Исмоилзода ва чанде аз роҳбарони ташкилоту муассиса, корхонаҳои масъули вилоятию шаҳрӣ аз рафти корҳои сохтмонии иншоотҳои ҷашнии шаҳри Бохтар дидан намуданд. 

Гурӯҳи корӣ бо раванди сохтмони нишони давлатӣ ва азнавсозии майдони 70 - солагии водии Вахш, боғи фарҳангӣ - фароғатии ба номи Раҳмон Мурчаев, қасри фарҳангӣ ва ободонии майдони Ҷалолиддини Балхӣ аз наздик шинос шуданд.

Раиси вилоят аз гулгашту хиёбонҳо ва ободонию зебоии маркази вилояти Хатлон, шаҳри Бохтар дидан намуда, баҳри беҳтару хубтар ва зеботар намудани шаҳр ба масъулин дастуру супоришҳои мушахас доданд.