Давлаталӣ Саид, раиси вилояти Хатлон ба табрики иштирокчии 104-солаи Ҷанги Бузурги Ватанӣ Алиев Зайнулло рафта, ӯро бо маблағи 45 ҳазор сомонӣ қадрдонӣ намуд.

Дар ин бора дафтари матбуотии раиси вилояти Хатлон хабар медиҳад.

Тибқи иттилои манбаъ, 40 000 сомонӣ туҳфа аз ҷониби Президенти Ҷумҳурии Тоҷикистон муҳтарам Эмомалӣ Раҳмон ва 5000 сомонии дигар аз ҷониби раиси вилояти Хатлон, Далвталӣ Саид ба ин иштирокчии ҶБВ тақдим карда шуд.

Гуфта мешавад, ин иқдом бо дастуру супоришҳои Асосгузори сулҳу ваҳдати миллӣ - Пешвои миллат муҳтарам Эмомалӣ Раҳмон ҷиҳати дастгирии иштирокчиёни Ҷанги Бузурги Ватанӣ сурат гирифтааст.

Зайнулло Алиеви 104-сола зимни суҳбат бо раиси вилоят аз дастгириҳои пайвастаи Пешвои миллат изҳори сипосгузорӣ намуда, шукронаи сулҳу субот ва осудагии сарзамин намуд.