Аз 1 то 4 майи соли равон бахшида ба Рӯзи ҷавонони Тоҷикистон дар доираи нақша - чорабиниҳои моҳвораи ҷавонон Мақомоти иҷроияи ҳокимияти давлатии ноҳияи Рӯдакӣ дар ҳамкорӣ бо Кумитаи кор бо ҷавонон ва варзиши назди Ҳукумати Ҷумҳурии Тоҷикистон Фестивали дӯстии ҷавонони кишварро дар ноҳияи Рӯдакӣ баргузор мегардад.

Дар ин бора Билол Ғаффорзода, мудири бахши кор бо ҷавонони ноҳияи Рӯдакӣ хабар дод.

Ба гуфтаи номбурда дар фестивали мазкур 70-нафар ҷавонони фаъоли кишвар иштирок мекунанд.

Ҳадаф аз баргузории фестивал тарғиби дӯстиву ҳамдилӣ миёни ҷавонони манотиқи гуногуни кишвар ва ба ин васила таҳкими ваҳдати ҳамгироӣ гуфта мешавад.

Наҷиба МУРОДБЕКОВА, “ҶТ”