Дар Ҷумҳурии Тоҷикистон айни ҳол дар мақомоти судӣ ба ҳайси судя 78 нафар занон фаъолият мекунанд.

Ин нукта аз ҷониби раиси Суди Олӣ Шермуҳаммади Шоҳиён зимни нишасти хабарӣ иброз гардид.

Номбурда изҳор дошт, ки имрӯз дар Ҷумҳурии Тоҷикистон шумораи умумии судяҳо 443 нафар ҳастанд, вале 375 нафари онҳо айни замон расман фаъолият доранд, ки аз ин шумора 78 нафарашонро занон ташкил медиҳанд.

- Аз 375 нафар судяҳои фаъолияткунанда 78 нафарашон занон мебошанд, яъне қариб 21 фоизро занон ташкил медиҳанд. Аз ин шумора 8 нафар зан ба сифати раиси суд ва 8 нафари дигар ба ҳайси муовини раиси суд фаъолият мекунанд, -гуфт Ш. Шоҳиён.

Ҳамзамон номбурда қайд намуд, ки тибқи дастури Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар робита ба баланд бардоштани мақоми зан дар ҷомеа мо вазифадор ҳастем, ки минбаъд масъалаи зиёд кардани шумораи занон дар мақомоти судӣ мавриди баррасӣ қарор гирад.