Дар Тоҷикистон шумораи умумии муштариёни пайвастшуда ба шабакаҳои алоқаи барқӣ ба 7,8 миллион расидааст, ки аз онҳо 4,8 миллион нафар муштариёни фаъол мебошанд.

Дар ин бора Илҳомҷон Атоев, муовини сардори Хадамоти алоқаи назди Ҳукумати Ҷумҳурии Тоҷикистон имрӯз зимни нишасти хабарӣ ба рӯзноманигорон иттилоъ дод.

Ӯ гуфт, ки дар ҳоли ҳозир шумораи истифодабарандагони интернет дар якҷоягӣ бо истифодабарандагони интернети мобилӣ ва собит 4,1 миллион нафарро дар бар мегирад.

Зимнан, аз ин миқдор ҳамагӣ 7476 нафар муштариёни дорои имтиёз мебошанд, ки ба онҳо ба маблағи 757,2 ҳазор сомонӣ хизматрасонӣ карда шудааст.

Амони МУҲАММАД, "ҶТ"