Дар Муассисаи давлатии “Маркази кӯдакон ва наврасони шаҳри Душанбе” байни хонандагони соҳибистеъдоди муассисаҳои таҳсилоти миёнаи умумии шаҳри Душанбе даври шаҳрии фестивал - озмуни “Шукуфаҳои пойтахт” баргузор гардид.

Дар ин бора аз дафтари матбуотии Сарраёсати маорифи шаҳри Душанбе хабар доданд.

Дар маросими ифтитоҳи фестивал - озмуни истеъдодҳои навраси шаҳри Душанбе –“Шукуфаҳои пойтахт” директори Муассисаи давлатии “Маркази кӯдакон ва наврасони шаҳри Душанбе” – Н.Н. Сайдалиев суханронӣ намуда, таъкид намуд, ки озмун бо мақсади дарёфт ва ҳавасманд гардонидани кӯдакону наврасони соҳибистеъдоди шаҳри Душанбе ва дар ин замина мусоидат ба рушди маънавию зеҳнӣ, фароҳам овардани шароит баҳри такомул додани завқу истеъдод, тарбияи фарҳангиву эстетикӣ, ҷалб намудани насли наврас ба корҳои эҷодиву ҳунарӣ ва дар вақти холӣ фаро гирифтани онҳо ба корҳои муфид гузаронида мешавад.

Наҷиба МУРОДБЕКОВА, “ҶТ”