ҶОМЕА
Панҷшанбе 25 Апрел 2024 02:46
27 сентябр дар кохи Суруш маросими ҷамъбастии дуюмин Фестивали дӯстии ҷавонону варзишгарони шаҳри Душанбе зери унвони “Зебоӣ, доноӣ ва тавоноӣ аз варзиш аст” доир гардид.
Он бо ташаббуси Мақомоти иҷроияи ҳокимияти давлатии шаҳри Душанбе ва Раёсати кор бо ҷавонон ва варзиш дар шаҳри Душанбе ба муносибати 30-солагии Истиқлолияти давлатии Ҷумҳурии Тоҷикистон доир гардида, дар он варзишгарону мураббиён, намояндагони донишгоҳу донишкадаҳо ва дигар мутасаддиён аз муассисаҳои зертобеи шаҳри Душанбе иштирок намуданд.
Дар оғоз Муинӣ Мавсума Муинзода, муовини раиси шаҳри Душанбе суханронӣ намуда, таъкид намуд, фестивали мазкур соли дуюм аст, ки бо дастгирии бевоситаи Раиси шаҳри Душанбе муҳтарам Рустами Эмомалӣ дар сатҳи баланд доир мегардад, ки мақсад аз гузаронидани он тарғиби тарзи ҳаёти солим ва дӯстӣ миёни ҷавонон мебошад.
Фестивали мазкур аз рӯйи чор намуди варзиш - шоҳмот, футбол, волейбол ва гӯштини миллӣ дар байни хонандагону донишҷӯёни муассисаи миёна, олӣ ва касбӣ давоми 6 рӯз идома ёфта, ғолибон ба таври зайл маълум гардиданд.
Дар намуди шоҳмот миёни мардон ҷойи аввалро Донишгоҳи миллии Тоҷикистон, ҷойи дуюмро Донишкадаи сайёҳӣ, соҳибкорӣ ва хизмати Тоҷикистон ва зинаи сеюмро Донишкадаи тарбияи ҷисмонии Тоҷикистон ба номи С. Раҳимов ишғол намуданд. Миёни бонувон бошад, Донишгоҳи миллии Тоҷикистон ҷойи якум, Коллеҷи техникии Тоҷикистон ҷойи дуюм ва Коллеҷи тиббии иҷтимоии шаҳри Душанбе зинаи сеюмро соҳиб шуданд.
Аз рӯйи намуди волейбол миёни бонувон аз байни 24 дастаи иштирокчӣ ҷойҳои ифтихориро Донишкадаи тарбияи ҷисмонии Тоҷикистон ба номи С. Раҳимов, Донишгоҳи славянии Тоҷикистону Русия, Донишкадаи сайёҳӣ, соҳибкорӣ ва хизмати Тоҷикистон ишғол намуданд.
Дар мусобиқаи волейбол миёни мардон Донишкадаи тарбияи ҷисмонии Тоҷикистон ба номи С. Раҳимов мақоми якум, Донишгоҳи славянии Тоҷикистону Русия мақоми дуюм ва Коллеҷи техникии Тоҷикистон мақоми сеюмро ишғол карданд.
Дар мусобиқаи футболи хурд дастаҳои Коллеҷи тарбияи ҷисмонии Тоҷикистон (ҷойи якум), Академияи идоракунии давлатии назди Президенти Ҷумҳурии Тоҷикистон (мақоми дуюм) ва ду зинаи сеюмро Донишгоҳи давлатии тиҷорати Тоҷикистон ва Донишкадаи сайёҳӣ, соҳибкорӣ ва хизмати Тоҷикистон сазовор гардиданд.
Фестивал бо барномаи рангини консертӣ анҷом ёфт.
Хайёми КОМИЛҶОН, “ҶТ”
Он бо ташаббуси Мақомоти иҷроияи ҳокимияти давлатии шаҳри Душанбе ва Раёсати кор бо ҷавонон ва варзиш дар шаҳри Душанбе ба муносибати 30-солагии Истиқлолияти давлатии Ҷумҳурии Тоҷикистон доир гардида, дар он варзишгарону мураббиён, намояндагони донишгоҳу донишкадаҳо ва дигар мутасаддиён аз муассисаҳои зертобеи шаҳри Душанбе иштирок намуданд.
Дар оғоз Муинӣ Мавсума Муинзода, муовини раиси шаҳри Душанбе суханронӣ намуда, таъкид намуд, фестивали мазкур соли дуюм аст, ки бо дастгирии бевоситаи Раиси шаҳри Душанбе муҳтарам Рустами Эмомалӣ дар сатҳи баланд доир мегардад, ки мақсад аз гузаронидани он тарғиби тарзи ҳаёти солим ва дӯстӣ миёни ҷавонон мебошад.
Фестивали мазкур аз рӯйи чор намуди варзиш - шоҳмот, футбол, волейбол ва гӯштини миллӣ дар байни хонандагону донишҷӯёни муассисаи миёна, олӣ ва касбӣ давоми 6 рӯз идома ёфта, ғолибон ба таври зайл маълум гардиданд.
Дар намуди шоҳмот миёни мардон ҷойи аввалро Донишгоҳи миллии Тоҷикистон, ҷойи дуюмро Донишкадаи сайёҳӣ, соҳибкорӣ ва хизмати Тоҷикистон ва зинаи сеюмро Донишкадаи тарбияи ҷисмонии Тоҷикистон ба номи С. Раҳимов ишғол намуданд. Миёни бонувон бошад, Донишгоҳи миллии Тоҷикистон ҷойи якум, Коллеҷи техникии Тоҷикистон ҷойи дуюм ва Коллеҷи тиббии иҷтимоии шаҳри Душанбе зинаи сеюмро соҳиб шуданд.
Аз рӯйи намуди волейбол миёни бонувон аз байни 24 дастаи иштирокчӣ ҷойҳои ифтихориро Донишкадаи тарбияи ҷисмонии Тоҷикистон ба номи С. Раҳимов, Донишгоҳи славянии Тоҷикистону Русия, Донишкадаи сайёҳӣ, соҳибкорӣ ва хизмати Тоҷикистон ишғол намуданд.
Дар мусобиқаи волейбол миёни мардон Донишкадаи тарбияи ҷисмонии Тоҷикистон ба номи С. Раҳимов мақоми якум, Донишгоҳи славянии Тоҷикистону Русия мақоми дуюм ва Коллеҷи техникии Тоҷикистон мақоми сеюмро ишғол карданд.
Дар мусобиқаи футболи хурд дастаҳои Коллеҷи тарбияи ҷисмонии Тоҷикистон (ҷойи якум), Академияи идоракунии давлатии назди Президенти Ҷумҳурии Тоҷикистон (мақоми дуюм) ва ду зинаи сеюмро Донишгоҳи давлатии тиҷорати Тоҷикистон ва Донишкадаи сайёҳӣ, соҳибкорӣ ва хизмати Тоҷикистон сазовор гардиданд.
Фестивал бо барномаи рангини консертӣ анҷом ёфт.
Хайёми КОМИЛҶОН, “ҶТ”
Хабарҳои дигар
Рӯзнома
Эзоҳи худро нависед