Аз ноҳияи Айнӣ 70 нафар кӯдаки маъюб, волидайни онҳо ва кормандони тавонбахшӣ дар сатҳи маҳал муддати як ҳафта дар осоишгоҳи “Шоҳин”-и шаҳри Гулистон ба истироҳат фаро гирифта шуданд.

Дар оғози лагери истироҳатӣ гуфта шуд, ки Ҳукумати Ҷумҳурии Тоҷикистон хоса Президенти Ҷумҳурии Тоҷикистон муҳтарам Эмомалӣ Раҳмон ба некӯаҳволии шахсони маъюб таваҷҷуҳи махсус медиҳанд.

Тибқи барнома кӯдакони маъюб дар зарфи як ҳафтаи истироҳат дар лагер асосан ба машқҳои пагоҳирӯзӣ, расмкашӣ, ширешкорию гулдӯзӣ, мӯҳрабофӣ, кулолгарӣ, оббозӣ, шеъру сурудхонӣ, рақс, мусобиқаҳои варзишӣ ва бисёр чорабиниҳои дигари фарҳангию варзишӣ ва ҳунарӣ машғул шуда, онро хотирмон сипарӣ намуданд.