Бахшида ба 30-солагии баргузории Иҷлосияи XVI Шӯрои Олии Ҷумҳурии Тоҷикистон ва саҳми ин воқеаи муҳими таърихӣ дар ташаккули худшиносии миллӣ Муассисаи давлатии рӯзномаи “Ҷавонони Тоҷикистон” дар якҷоягӣ бо Раёсати кор бо ҷавонон ва варзиши шаҳри Душанбе ва Раёсати кор бо ҷавонон ва варзиши вилояти Суғд озмуни ҷумҳуриявиро таҳти унвони:

“ИҶЛОСИЯИ XVI ШӮРОИ ОЛӢ ВА ЭҲЁИ ХУДШИНОСИИ МИЛЛӢ”  эълон мекунад.

Дар озмун иштирокчиёни Иҷлосияи XVI Шӯрои Олии Ҷумҳурии Тоҷикистон, таърихшиносон, сиёсатшиносон, олимон, журналистони касбӣ ва онҳое, ки аз нақши ин падидаи таърихӣ дар рушди меҳан ба хубӣ огаҳанд, иштирок карда метавонанд. Каламбадастони ҷавон имкон доранд, маводҳои худро дар шакли мусоҳиба бо иштирокчиёни ин иҷлосияи таърихӣ, мақолаҳои таҳлилӣ ва дар доираи дигар жанрҳои публитсистӣ омодаву пешкаш намоянд.

Маводҳои пешниҳодшаванда бояд фарогири саҳми Иҷлосияи XVI Шӯрои Олии Ҷумҳурии Тоҷикистон дар эҳёи худшиносии миллӣ дар Тоҷикистони соҳибистиқлол зери роҳбарии Асосгузори сулҳу ваҳдати миллӣ, Пешвои миллат муҳтарам Эмомалӣ Раҳмон бошад.

Мақолаҳо дар ҳаҷми то 4 саҳифа бо ҳуруфи Arial tj, андозаи 14 қабул карда мешаванд.

Иштирокчиёни озмун метавонанд, мақолаҳои худро ба унвонии почтаи электронии мо, javonontj@mail.ru бо ишораи "Барои озмун" пешниҳод кунанд.

Озмун аз 20 январ оғоз гардида, то 1 ноябр идома меёбад. Ғолибони озмун дар арафаи таҷлили Рӯзи Президенти Ҷумҳурии Тоҷикистон – 16 ноябр бо туҳфаҳо қадр карда мешаванд.

МУКОФОТҲО:

Барои ҷойи аввал – 5 000 сомонӣ
Барои ҷойи дуюм – 3 000 сомонӣ
Барои ҷойи сеюм – 2 000 сомонӣ

Инчунин 5 иштирокчии фаъоли озмун бо туҳфаҳои хотиравию мукофотпулӣ қадр карда мешаванд.