Таҳти ин унвон нимаи дуюми рӯзи 20-уми ноябр дар маҳаллаи Лучоби пойтахт бо ташаббуси Кумитаи кор бо ҷавонон ва варзиши назди Ҳукумати Ҷумҳурии Тоҷикистон, Раёсати кор бо ҷавонон ва варзиши шаҳри Душанбе, ташкилотҳои соҳа ва муассисаҳои таълимии варзишии пойтахт, аз ҷумла Донишкадаи тарбияи ҷисмонии Тоҷикистон ва Коллеҷи тарбияи ҷисмонии Тоҷикистон ҳашари ободонӣ ва маъракаи ниҳолшинонӣ ташкил карда шуд.

Ин ҳашари дастаҷамъона бо мақсади дастгирӣ намудани иқдоми раиси шаҳри Душанбе Рустами Эмомалӣ вобаста ба табдил додани пойтахти кишвар ба шаҳри сабз бо иштироки раиси Кумитаи кор бо ҷавонон ва варзиши назди Ҳукумати Ҷумҳурии Тоҷикистон Абдулло Раҳмонзода ва зиёда аз 300 нафар ҷавон доир гардид.

Дар ҷараёни маъракаи ниҳолшинонӣ беш аз 400 адад ниҳолҳои ороишию мевадиҳанда шинонида шуда, гирду атрофи Оромгоҳи Лучоб тозаву озода гардонида шуд.

Кумитаи кор бо ҷавонон ва варзиши назди Ҳукумати Ҷумҳурии Тоҷикистон ин ташаббусро дар дигар минтақаҳои кишвар идома дода, баҳри таҷлили сазовори ҷашни 30-солагии Истиқлолияти давлатии Ҷумҳурии Тоҷикисон саҳми муносиби хешро дар ободониву созандагии Тоҷикистони азиз мегузорад.