Бо ташаббуси Вазорати тандурустӣ ва ҳифзи иҷтимоии аҳолии кишвар дар доираи баргузории “Рӯзи умумиҷаҳонии саломатӣ” дар шаҳри Кӯлоб бо ҷалби сармутахассисони соҳаи тандурустӣ чорабинии марказонидашудаи тиббию машваратӣ- “Корвони саломатӣ” дар назди маркази саломатии №2 шаҳри Кӯлоб  баргузор гардид.

Дар он мизоҷон аз шаҳр ва ноҳияҳои минтақаи Кӯлоб ташриф оварда, табибон барои гузаронидани ташхиси ултрасадо, сабти барқии дил, хатна ва ҷарроҳӣ дар марказҳои саломатии шаҳр аҳолиро ба ташхису машварат ва маслиҳати ройгон фаро гирифтанд.

Иттилоъ дода шуд, ки дар маҷмуъ давоми рӯз аз 7043 нафар шаҳрвандони муроҷиат намуда, ба 4904 нафари он машваратҳои табибӣ дода шуд. Дар баробари ин ба 2139 нафар муроҷиаткунандагон амалётҳои тиббӣ аз рӯйи ҷарроҳии калонсолон, хатна, ташхиси ВНМО, ташхиси хуни донорӣ ва таҳлили хун, ташхиси ултрасадо (УЗИ) ва ҷарроҳии чашм гузаронида шуд.

Инчунин ба 10 нафар шахсони маъюб аробачаҳои маъюбӣ тақдим гардид.