Дар шаҳри Кӯлоб байни кормандони ташкилоту муассисаҳои ин минтақа мусобиқаҳои варзишӣ барои дарёфти Ҷоми раиси шаҳр роҳандозӣ гардидааст.

Дар ин бора Раёсати кор бо ҷавонон ва варзиши вилояти Хатлон хабар медиҳад.

Гуфта мешавад, ки чунин мусобиқаҳо дар доираи нақша чорабиниҳои Раёсати кор бо ҷавонон ва варзиши вилояти Хатлон ба роҳ монда шудааст.

Айни замон тамоми кормандони ташкилоту корхонаҳои шаҳри Кӯлоб ҷалб гардида, дар мусобиқаҳо оид ба тенниси рӯи мизӣ, волейбол, шашкаву шоҳмот ва дигар намуди варзиш миёни худ сабқат мекунанд.

Мавриди зикр аст, ки чунин мусобиқаҳо бо мақсади рушду оммавияти варзиш ва тарғиби тарзи ҳаёти солим дар кишвар роҳандозӣ гардидааст.