28 июл бо ибтикори Бахши кор бо  ҷавонон ва варзиши шаҳри Кӯлоб дар якҷоягӣ бо Бахши танзими анъана ва ҷашну маросимҳои миллии шаҳр, дар деҳаи Зиракии ҷамоати деҳоти Зиракӣ  вохӯрӣ оиди расонидани мафҳум ва муҳтавои суханронии Пешвои миллат бахшида ба 10-солагии амали Қонуни Ҷумҳурии Тоҷикистон “Дар бораи танзими анъана ва ҷашну маросимҳо дар Ҷумҳурии Тоҷикистон” баргузор гардид.

Дар вохӯрии мазкур беш аз 150 нафар сокинони ҷамоати деҳоти Зиракӣ, аз ҷумла  ҷавонон ва калонсолон иштирок намуда, масъулин нуктаҳои асосии суханронии Пешвои миллатро доир ба танзиму анъана ва ҷашну маросимҳои миллӣ ба ширкаткунандагони чорабинӣ расониданд.