Соли сипаришуда ҳаҷми истеҳсоли нерӯи барқ 15млрд.359,1млн. кВт.соатро ташкил дода, нисбат ба соли 2016 955,8 млн. кВт.соат зиёд мебошад. Мирзо Исмоилзода, раиси ШСХК "Барқи тоҷик", зимни нишасти матбуотӣ ин нуктаро ба саҳми хабарнигрон расонид.

- Бо мақсади таъмини соҳаҳои иқтисодиёт ва аҳолии ҷумҳурӣ бо нерӯи барқ, -афзуд М. Исмоилзода, - дар соли 2017 ширкати "Барқи Тоҷик" дар ҳаҷми 2млрд. 555,6 млн.кВт.соат нерӯи барқро харидорӣ намуд, ки дар муқоиса бо соли 2016 78,7 млн.кВт.соат кам аст.

Дар идомаи нишаст доир ба содироти қувваи барқ андешаронӣ сурат гирифт. Гуфта шуд, ки ҳаҷми содироти нерӯи барқ ба хориҷи ҷумҳурӣ дар соли қабли нисбати ба як соли пеш дар ҳаҷми 20,6 млн.кВт соат кам гардида, дар маҷмӯъ ба 1 млрд. 312,3 млн.кВт соат баробар шуд.
   
– Нерӯи барқ асосан ба Ҷумҳурии исломии Афғонистон дар ҳаҷми 1 млрд. 304,8 млн.кВт.соат ба маблағи 52,3 млн. доллари ИМА содирот карда шуд. Ин рақам нисбат ба соли 2016 14,0 млн.кВт соат кам мебошад. Аммо маблағ ба андозаи 1,8 млн. доллари ИМА зиёд мебошад, -илова намуд раиси ШСХК "Барқи тоҷик".

Муниса Додова,
Меҳрубон Имомова, "ҶТ"