ҶОМЕА
Сешанбе 11 Декабр 2018 10:49
851
Дар давраи соҳибистиқлолӣ дар Туркманистон соҳаи нақлиёт ба пешравиҳои назаррас ноил гардид. Аз ҷумла роҳи оҳани Теҷен-Сарахс-Машҳад (Эрон), Ашқобод-Қароқум-Тошҳавз, Туркманобод-Отамурод ба истифода дода шуданд.

Тавассути пули болои дарёи Омӯ шаҳрҳои Туркманободу Фороб ба ҳам пайвастанд. Дарозии пул 1600 метр ва бари қисми мошингарди он 21,5 метрро ташкил медиҳад. Ҳоло дар ин мамлакат сохтмони роҳи оҳани Отамурод-Имомназар-Акина-Тоҷикистон оғоз шудааст.

Ба гуфтаи сафири Ҷумҳурии Туркманистон дар Тоҷикистон Чорӣ Атаев чанде пеш дар Ашқобод Автотерминали байналмилалии мусофиркашӣ сохта шуд, ки иқтидори мусофиркашии он 2000 нафар дар як шабонарӯз мебошад. Дар назар аст, ки оянда аз ин терминал мусофирон тавассути автобусҳои замонавӣ ба Туркияву Эрон, Афғонистон, Арманистон, Қазоқистон, Ӯзбекистон ва Афғонистон сафар кунанд.

Масъалаи ифтитоҳи хатсайри ҳавоии Душанбе-Ашқобод дер боз ҳалли худро наёфтааст. Шояд баъди ба истифода дода шудани Фурудгоҳи нави байналмилалии Ашқобод, ки иқтидори мусофирқабулкуниаш 1600 нафар дар як соат мебошад, ин масъала ҳалли худро ёбад.

Ба гуфтаи Чорӣ Атаев ҳоло 402 донишҷӯи туркман дар макотиби олии Тоҷикистон ва 29 донишҷӯи тоҷик дар донишгоҳҳои Туркманистон таҳсил мекунанд.

Алишери САЙФИДДИН

Эзоҳи худро нависед



Рамзҳо дар расм

Рӯзнома

Назарсанҷӣ

  1. Ба фикри Шумо “Соли ҷавонон” чӣ гуна сипарӣ шудаистодааст?

Тақвим

Дш Сш Чш Пш Ҷ Ш Яш
26 27 28 29 30 1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31 1 2 3 4 5 6

Декабр 2018 c.