Дар шаҳри Хоруғ бо иқдоми Бахши кор бо ҷавонон ва варзиши шаҳр аксияи умумишаҳрӣ зери унвони “Ниқоби муҳофизакунандаро бо худ дорем!” доир гардид.

Дар он масъулину волонтёрони бахш, кормандони мақомоти иҷроияи маҳаллии ҳокимияти давлатии шаҳру рӯзномаи маҳаллии “Оинаи зиндагӣ” ба зиёда аз 100 нафар сокинони Вилояти Мухтори Кӯҳистони Бадахшон ниқобҳои муҳофизакунандаи тиббӣ дода, дар ҷойҳои ҷамъиятӣ бо истифода аз маҳлулҳои зиддиэпидемикӣ ба мардум ёрӣ расонданд.

Тавре мудири Бахш изҳор намуд, ба аксия бинокорону сохтмончиёни вилоят ҳам ҷалб шуда, ба оилаҳои сохтмончиён ниқобҳои тиббӣ ҳамчун кумак расонида шуд.