ҶОМЕА
Якшанбе 08 Сентябр 2024 04:56
![6891](/upload/iblock/08c/Untitled-1.jpg)
Ватан калимаест, ки дар худ тамоми ҳастии моро ғунҷонидааст ҳангоми ба забон оварданаш моро ҳисси ватандӯстиву садоқат ба ин марзу бум фаро мегираду дар қалбамон эҳсоси хушбахтӣ пайдо мегардад. Ватан он неъматест, ки бо буданаш моро мешиносанду ба таъриху фарҳанги ниёгони мо арҷ мегузоранд.
Ҷурабек, қаҳрамони мо аз замони кӯдакӣ ҳар гоҳе сухан дар мавзӯи ватан мерафт, қалбашро муҳаббати беинтиҳо нисбати Ватан-модар фаро мегирифту дар замири хеш орзуи онро мекард, ки ӯ низ бузург шуда, баробари дигар ҷавонмардон дар ҳифзи он саҳми худро мегузорад. Вақте ба синфи аввал рафту хондану навиштанро аз худ кард, дар навбати аввал шеърҳои ватандӯстонаро аз бар намуда, ҳар замоне онро бо самимият қироат мекард, вуҷудашро эҳсоси ифтихор аз доштани чунин сарзамини биҳиштӣ фаро мегирифт.
Ҳамин гуна муҳаббати беинтиҳояш нисбати Ватан буд, ки Ҷурабек Холмуродов пас аз гирифтани маълумоти олӣ соли 2019 бо хоҳиши худ ба хизмати ҳарбӣ рафт. Айни ҳол ӯ дар қисми ҳарбии 02615- и Вазорати мудофиаи Ҷумҳурии Тоҷикистон хизмати ҳарбиро сарбаландона адо карда истодааст.
- Дар сафи Артиши миллӣ хизмат кардан, орзуи замони хурдиям буд. Вақте мактаби миёнаро хатм намудаму ба донишгоҳ дохил гардидам, пеши худ мақсад гузоштам, ки пас аз хатми он дарҳол ба хизмати ҳарбӣ мераваму аз ин мактаби ҷавонмардӣ сабақи зиндагӣ меомӯзам. Хеле хушбахтам, ки ахиран ин орзуям амалӣ гардиду имрӯз сарбози ин меҳанам, - гуфт Ҷурабек Холмуродов.
Ҷурабек моҳи чорум аст, ки дар сафи Артиши миллӣ хизмат менамояду аз ин мактаби бузурги матонату ҷасорат дарси ҷавонмардӣ меомӯзад. Худро хушбахт меҳисобад, ки айни ҳол чун як фарди баномус адои хизмати ҳарбӣ карда истодаасту баробари дигар ҷавонмардон саҳми худро дар ҳимояи домони поки модару хоҳари худ мегузорад.
-Хизмати ҳарбӣ мактабест, ки дар он ба қадри тамоми чиз, аз ҷумла ба қадри падару модар мерасед. Вақте инсон хизмат менамояд, дар зиндагӣ сабуриро меомӯзад ва дар тамоми мушкилиҳо ботаҳаммул мегардад. Замоне, ки хизмат мекунед, медонед, ки дар оянда чӣ гуна зиндагии худро ба роҳ монеду бо дигарон чӣ тавр муносибату муошират намоед. Хизмат дар сафи Қувваҳои Мусаллаҳ барои ҳар як шаҳрванди Ҷумҳурии Тоҷикистон ҳам қарз асту ҳам шараф. Ҳар як ҷавонмарди кишвар, ки заррае меҳру муҳаббати Ватан дар дилаш ҷой дорад, бояд омада дар сафи Артиши миллӣ хизмат намояд ва то қадри имкон саҳми худро барои пешрафти меҳан гузорад. Ҳар нафаре, ки хизмат мекунад, дар зиндагии ояндааш ҳам метавонад, аз бисёр мушкилоту печидагиҳо барояд, - мегӯяд Ҷурабек.
Вақте назарашро вобаста ба саркашии баъзе аз ҷавонон аз хизмати ҳарбӣ пурсон гардидем, гуфт:
-Ҷавонон ба ҷои саркашӣ кардан, бояд бо иродаи устувор ба хизмати ҳарбӣ раванд. Ҳар як ҷавонмард бояд хизмати Ватан-Модарро адо намояд. Зеро он барои ҳар ҷавон қарз аст. Ин ватанро мо бояд муҳофизат намоему дар таъмини амнияти сартосарӣ саҳми худро гузорем. Зеро аз дигар ҷо каси дигаре омада, ватани моро муҳофизат намекунад. Агар ман, шумо ва ё ҷавони дигаре ин меҳанро ҳифз нанамоем, пас ки онро муҳофизат месозад? Албатта, ба ғайри худамон ҳеҷ кас. Мо дар хизмат ватану модари худамонро муҳофизат менамоем. Имрӯз баҳри хизмат тамоми шароит муҳайёст. Аз ҷойи хоб сар карда, то сару либос ва бо хуроки гарм ҳамеша сарбозон таъминанд. Хизмати ҳарбӣ мактабест, ки ҳисси ватандӯстиву меҳанпарастӣ ва худшиносию худогоҳии ҳар инсонро баланд менамояд.
Ҳамсуҳбати мо як рӯзи сарбозияшро чунин тасвир кард: - Ҳар субҳ соати шаш аз хоб хеста, 50 дақиқа то як соат ба машқи бадан машғул мешавем. Пас аз машқҳои пагоҳирӯзӣ шустушӯи рӯю даст карда, сипас субҳона мекунем. Баъд аз соати 9 то соати 12:30 ба машғулият пардохта, дарс мехонем. Сипас хӯроки нисфирӯзӣ мешавад. Баъди он ба хизмати дохили қисми низомӣ машғул мешавем. Бегоҳ соати ҳафт хӯроки шом мешавад ва баъди он соати 22 ҳама истироҳат менамояд. Дар вақтҳои холӣ ба мутолиаи китоб низ машғул мегардем. Умуман, хизмати ҳарбӣ мактаби беҳтарини ҳаёт аст.
Ӯ аз он хушнуд аст, дар муддати муайяне, ки хизмати ҳарбӣ намуда истодааст, аз тамоми минтақаҳои кишвар дӯст пайдо карда, бо онҳо риштаи дӯстӣ бастааст ва назди худ қавл гузоштааст, ки пас аз адои хизмат низ дӯстиро бо рафиқонаш идома медиҳаду ҳамеша ва дар ҳама ҳолат паҳлуи ҳамдигар мемонанд.
-Боиси хушнудист, ки имсол мо 27-умин солгарди Қувваҳои Мусаллаҳи Ҷумҳурии Тоҷикистонро бо тантана ҷашн мегирем. Ҳар сол дар ин рӯз тариқи оинаи нилгун медидам, ки намояндагони тамоми мақомотҳо сарбозонро табрик менамоянд ва чорабиниҳои гуногун гузаронида, рӯҳияи онҳоро шод мекарданд. Имрӯз худ шоҳиди он мебошам. Аз фурсати муносиб истифода бурда, тамоми хизматчиёни ҳарбии Қувваҳои Мусаллаҳро ба ҷашни фархундаи Рӯзи Артиши миллӣ самимона табрик намуда, барояшон сарбаландӣ ва хонаи обод орзумандам. Аз кормандони рӯзномаи дӯстдоштаам “Ҷавонони Тоҷикистон” хоҳиш мекунам, ки мактуби бандаро, ки ба падару модарам навиштаам, дар саҳифаҳои худ ҷо намуда, ба волидайнам расонанд. - гуфт дар интиҳои суҳбат Ҷурабек Холмуродов.
Пас аз адои хизмати ҳарбӣ ният дорад, ки содиқонаву софдилона фаъолият намуда, саҳми арзандаи худро ҳамчун як фарди баору номус дар пешрафти ватани азизамон – Тоҷикистон гузорад. Барояш дар ин роҳ комёбӣ хоҳонем.
Ҷурабек, қаҳрамони мо аз замони кӯдакӣ ҳар гоҳе сухан дар мавзӯи ватан мерафт, қалбашро муҳаббати беинтиҳо нисбати Ватан-модар фаро мегирифту дар замири хеш орзуи онро мекард, ки ӯ низ бузург шуда, баробари дигар ҷавонмардон дар ҳифзи он саҳми худро мегузорад. Вақте ба синфи аввал рафту хондану навиштанро аз худ кард, дар навбати аввал шеърҳои ватандӯстонаро аз бар намуда, ҳар замоне онро бо самимият қироат мекард, вуҷудашро эҳсоси ифтихор аз доштани чунин сарзамини биҳиштӣ фаро мегирифт.
Ҳамин гуна муҳаббати беинтиҳояш нисбати Ватан буд, ки Ҷурабек Холмуродов пас аз гирифтани маълумоти олӣ соли 2019 бо хоҳиши худ ба хизмати ҳарбӣ рафт. Айни ҳол ӯ дар қисми ҳарбии 02615- и Вазорати мудофиаи Ҷумҳурии Тоҷикистон хизмати ҳарбиро сарбаландона адо карда истодааст.
- Дар сафи Артиши миллӣ хизмат кардан, орзуи замони хурдиям буд. Вақте мактаби миёнаро хатм намудаму ба донишгоҳ дохил гардидам, пеши худ мақсад гузоштам, ки пас аз хатми он дарҳол ба хизмати ҳарбӣ мераваму аз ин мактаби ҷавонмардӣ сабақи зиндагӣ меомӯзам. Хеле хушбахтам, ки ахиран ин орзуям амалӣ гардиду имрӯз сарбози ин меҳанам, - гуфт Ҷурабек Холмуродов.
Ҷурабек моҳи чорум аст, ки дар сафи Артиши миллӣ хизмат менамояду аз ин мактаби бузурги матонату ҷасорат дарси ҷавонмардӣ меомӯзад. Худро хушбахт меҳисобад, ки айни ҳол чун як фарди баномус адои хизмати ҳарбӣ карда истодаасту баробари дигар ҷавонмардон саҳми худро дар ҳимояи домони поки модару хоҳари худ мегузорад.
-Хизмати ҳарбӣ мактабест, ки дар он ба қадри тамоми чиз, аз ҷумла ба қадри падару модар мерасед. Вақте инсон хизмат менамояд, дар зиндагӣ сабуриро меомӯзад ва дар тамоми мушкилиҳо ботаҳаммул мегардад. Замоне, ки хизмат мекунед, медонед, ки дар оянда чӣ гуна зиндагии худро ба роҳ монеду бо дигарон чӣ тавр муносибату муошират намоед. Хизмат дар сафи Қувваҳои Мусаллаҳ барои ҳар як шаҳрванди Ҷумҳурии Тоҷикистон ҳам қарз асту ҳам шараф. Ҳар як ҷавонмарди кишвар, ки заррае меҳру муҳаббати Ватан дар дилаш ҷой дорад, бояд омада дар сафи Артиши миллӣ хизмат намояд ва то қадри имкон саҳми худро барои пешрафти меҳан гузорад. Ҳар нафаре, ки хизмат мекунад, дар зиндагии ояндааш ҳам метавонад, аз бисёр мушкилоту печидагиҳо барояд, - мегӯяд Ҷурабек.
Вақте назарашро вобаста ба саркашии баъзе аз ҷавонон аз хизмати ҳарбӣ пурсон гардидем, гуфт:
-Ҷавонон ба ҷои саркашӣ кардан, бояд бо иродаи устувор ба хизмати ҳарбӣ раванд. Ҳар як ҷавонмард бояд хизмати Ватан-Модарро адо намояд. Зеро он барои ҳар ҷавон қарз аст. Ин ватанро мо бояд муҳофизат намоему дар таъмини амнияти сартосарӣ саҳми худро гузорем. Зеро аз дигар ҷо каси дигаре омада, ватани моро муҳофизат намекунад. Агар ман, шумо ва ё ҷавони дигаре ин меҳанро ҳифз нанамоем, пас ки онро муҳофизат месозад? Албатта, ба ғайри худамон ҳеҷ кас. Мо дар хизмат ватану модари худамонро муҳофизат менамоем. Имрӯз баҳри хизмат тамоми шароит муҳайёст. Аз ҷойи хоб сар карда, то сару либос ва бо хуроки гарм ҳамеша сарбозон таъминанд. Хизмати ҳарбӣ мактабест, ки ҳисси ватандӯстиву меҳанпарастӣ ва худшиносию худогоҳии ҳар инсонро баланд менамояд.
Ҳамсуҳбати мо як рӯзи сарбозияшро чунин тасвир кард: - Ҳар субҳ соати шаш аз хоб хеста, 50 дақиқа то як соат ба машқи бадан машғул мешавем. Пас аз машқҳои пагоҳирӯзӣ шустушӯи рӯю даст карда, сипас субҳона мекунем. Баъд аз соати 9 то соати 12:30 ба машғулият пардохта, дарс мехонем. Сипас хӯроки нисфирӯзӣ мешавад. Баъди он ба хизмати дохили қисми низомӣ машғул мешавем. Бегоҳ соати ҳафт хӯроки шом мешавад ва баъди он соати 22 ҳама истироҳат менамояд. Дар вақтҳои холӣ ба мутолиаи китоб низ машғул мегардем. Умуман, хизмати ҳарбӣ мактаби беҳтарини ҳаёт аст.
Ӯ аз он хушнуд аст, дар муддати муайяне, ки хизмати ҳарбӣ намуда истодааст, аз тамоми минтақаҳои кишвар дӯст пайдо карда, бо онҳо риштаи дӯстӣ бастааст ва назди худ қавл гузоштааст, ки пас аз адои хизмат низ дӯстиро бо рафиқонаш идома медиҳаду ҳамеша ва дар ҳама ҳолат паҳлуи ҳамдигар мемонанд.
-Боиси хушнудист, ки имсол мо 27-умин солгарди Қувваҳои Мусаллаҳи Ҷумҳурии Тоҷикистонро бо тантана ҷашн мегирем. Ҳар сол дар ин рӯз тариқи оинаи нилгун медидам, ки намояндагони тамоми мақомотҳо сарбозонро табрик менамоянд ва чорабиниҳои гуногун гузаронида, рӯҳияи онҳоро шод мекарданд. Имрӯз худ шоҳиди он мебошам. Аз фурсати муносиб истифода бурда, тамоми хизматчиёни ҳарбии Қувваҳои Мусаллаҳро ба ҷашни фархундаи Рӯзи Артиши миллӣ самимона табрик намуда, барояшон сарбаландӣ ва хонаи обод орзумандам. Аз кормандони рӯзномаи дӯстдоштаам “Ҷавонони Тоҷикистон” хоҳиш мекунам, ки мактуби бандаро, ки ба падару модарам навиштаам, дар саҳифаҳои худ ҷо намуда, ба волидайнам расонанд. - гуфт дар интиҳои суҳбат Ҷурабек Холмуродов.
Пас аз адои хизмати ҳарбӣ ният дорад, ки содиқонаву софдилона фаъолият намуда, саҳми арзандаи худро ҳамчун як фарди баору номус дар пешрафти ватани азизамон – Тоҷикистон гузорад. Барояш дар ин роҳ комёбӣ хоҳонем.
Эзоҳи худро нависед